გერმანიის კანცლერმა ყაზახეთში აზერბაიჯანული თვითმფრინავის ჩამოვარდნის მიზეზად, რომელსაც 38 ადამიანი ემსხვერპლა, რუსეთის ომი უკრაინის წინააღმდეგ დაასახელა. ეს ომი "ატანჯავს სულ უფრო მეტ უდანაშაულო ადამიანს - მათ შორის უკრაინის ფარგლებს გარეთ", - წერს ოლაფ შოლცი ორშაბათს, 30 დეკემბერს, სოციალურ ქსელ X-ში.

„ჩვენი ფიქრები დაღუპულთა ოჯახებთანაა და დაჭრილებსაც სწრაფ გამოჯანმრთელებას ვუსურვებთ“, - დასძინა გერმანიის მთავრობის მეთაურმა.

გერმანიის საგარეო საქმეთა სამინისტრომ ასევე განაცხადა, რომ "ამდენი ადამიანის ტრაგიკული სიკვდილი" არ მოხდებოდა "თუ პუტინი არ წამოეწყო თავისი სასტიკი აგრესიული ომი" უკრაინის წინააღმდეგ.

აზერბაიჯანის ავიახაზების Embraer 190 თვითმფრინავი 67 მგზავრითა და ეკიპაჟის წევრით ბაქოდან გროზნოში მიემგზავრებოდა, როდესაც ის რუსეთის საჰაერო თავდაცვამ დააზიანა და ყაზახეთის ქალაქ აქტაუს მახლობლად ჩამოვარდა. დაიღუპა 38 ადამიანი. პილოტებს და გარდაცვლილ ბორტგამცილებელს აზერბაიჯანის პრეზიდენტმა ილჰამ ალიევმა ქვეყნის ეროვნული გმირის წოდებები მიანიჭეს.

ავტორი: ექსპრესნიუსი,

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.