ჯაღმაიძე შაიშმელაშვილის ინტერვიუზე - დასაგეგმი მაქვს დანაყოფების ხვალინდელი განლაგება

2024-12-29 00:24:50, 503 ნახვა

პოლიტიკა

საპატრიარქოს პრესსამსახურის ხელმძღვანელი ტვ პირველზე გდდ-ს ოპერატიული დაგეგმვის სამმართველოს ყოფილი ხელმძღვანელის, ირაკლი შაიშმელაშვილის ინტერვიუს გამოეხმაურა.

"ჟურნალისტები მწერენ ტვ პირველზე გასული სიუჟეტის შესახებ.

ახლა ვერ გპასუხობთ, დასაგეგმი და ჩასაშლელი მაქვს შესაბამის განყოფილებებში სპეცდანიშნულების დანაყოფების ხვალინდელი განლაგება" - წერს საპატრიარქოს პრესსამსახურის ხელმძღვანელი დეკანოზი ანდრია ჯაღმაიძე.

პოლიციის პოლკოვნიკი ირაკლი შაიშმელაშვილი 2021 წლის 5 ივლისის მოვლენების დეტალებს იხსენებს. მისი თქმით, 5 ივლისის მოვლენები საპატრიარქოს საზოგადოებასთან ურთიერთობის სამსახურის ხელმძღვანელთან, დეკანოზ ანდრია ჯაღმაიძესთან იყო შეთანხმებული. ამის შესახებ შაიშმელაშვილმა TV პირველის ეთერში ნოდარ მელაძესთან მიცემულ ინტერვიუში ისაუბრა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,