„ქართულმა ოცნებამ“ ქართველი ხალხის უმრავლესობას ევროპული ოცნება არ უნდა წაართვას,- ამის შესახებ ლიეტუვის პრეზიდენტმა, გიტანას ნაუსედამ ევროკავშირის სამიტის დაწყებამდე განაცხადა.

როგორც ნაუსედამ აღნიშნა, მისთვის ყველაზე დიდ იმედგაცრუებას საქართველოს მთავრობის განცხადება იწვევს - მიუხედავად იმისა, რომ ქართველი ხალხის 80% მხარს ევროპულ ოცნებას უჭერს.

„მე ქართველი ხალხის მეგობარი ვარ მთელი გულით, მაგრამ ის, რასაც ახლა ვხედავ, ნამდვილად იმედგაცრუებას იწვევს. დიახ, ჩვენ შეგვიძლია, განვიხილოთ არჩევნების შედეგები, სავარაუდოდ, ჩვენ ვნახავთ ადამიანებს, რომლებიც იტყვიან, რომ ეს იყო ყალბი არჩევნები და რომ ისინი არ აღიარებენ შედეგებს. იქნება მეორე მხარეც, რომელიც საპირისპიროს იტყვის. თუმცა, ჩემთვის ყველაზე დიდ იმედგაცრუებას იწვევს მთავრობის განცხადება, რომ ისინი შორდებიან ევროპულ გზას, მიუხედავად იმისა, რომ ქართველი ხალხის 80% მტკიცედ უჭერს მხარს ევროპულ ოცნებას. ასე რომ, „ქართულმა ოცნებამ“ არ უნდა წაართვას ევროპული ოცნება ქართველი ხალხის უმრავლესობას“,- განაცხადა ნაუსედამ.

ავტორი: ექსპრესნიუსი,

სოციალური ქსელები

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო

ლარსის გამშვებ პუნქტზე რუსი მესაზღვრეები ქართველ მძღოლებს დოკუმენტების სწრაფად მიღებისთვის დიდ გადასახადებს თხოვენ

2025 წელს საქართველოში 13 000-ზე მეტი ახალი სამუშაოს მაძიებელი დარეგისტრირდა