იმედი მაქვს, რომ ბატონი ბერსეს მხრიდან იქნება საჯარო განმარტება იმასთან დაკავშირებით, თუ რა მიზნით არის ჩამოსული ეს დელეგაცია საქართველოში,- ამის შესახებ „ერთიანობა - ნაციონალური მოძრაობის“ თავმჯდომარე თინა ბოკუჩავამ საქართველოში ევროპის საბჭოს დელეგაციის ვიზიტთან დაკავშირებით განაცხადა.

ბოკუჩავას თქმით, დელეგაციის ვიზიტი არჩევნების ან ხელისუფლების ლეგიტიმაციას არ ეხება.

„ეს არ არის ვიზიტი, რომელიც შეეხება არჩევნების ლეგიტიმაციას, ან ხელისუფლების ლეგიტიმაციას... ეს არის ევროსაბჭო, რომლის წევრიც საქართველო არის 25 წელიწადია და ამიტომ, მათთვის მნიშვნელოვანია, რომ შეაფასონ ეს მდგომარეობა, პირადად ნახონ უმძიმესი მდგომარეობა, რომელიც ივანიშვილის რეპრესიებმა გამოიღო. იმედი მაქვს, რომ ბატონი ბერსეს მხრიდან იქნება საჯარო განმარტება იმასთან დაკავშირებით, თუ რა მიზნით არის ჩამოსული ეს დელეგაცია საქართველოში. ეს არის უპირველესად ქართველი ხალხის მხარდაჭერა და მათი უფლებრივი მდგომარეობის შეფასება, უკანონოდ დაკავებულთა გათავისუფლების მოთხოვნა და საერთაშორისო დასკვნის დადება იმ არაადამიანურ, არაჰუმანურ მოპყრობაზე, რომელიც წამების ტოლფასად არის შეფასებული“,- ამბობს ბოკუჩავა.

შეგახსენებთ, საქართველოში ევროპის საბჭოს გენერალური მდივანი ალენ ბერსე დელეგაციასთან ერთად იმყოფება.

გუშინ, 18 დეკემბერს ბერსე პრემიერ-მინისტრ ირაკლი კობახიძეს, პარლამენტის თავმჯდომარე შალვა პაპუაშვილსა და მმართველი პარტიის საპატიო თავმჯდომარე ბიძინა ივანიშვილს შეხვდა.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით