გმირთა მოედნიდან ჭავჭავაძის გამზირის გავლით ამ წუთებში მსვლელობას საინფორმაციო ტექნოლოგიების წარმომადგენლები მართავენ.

მოქალაქეებს ჭავჭავაძის გამზირი გადაკეტილი აქვთ.

მათ სახელმწიფო უნივერსიტეტის პირველ კორპუსთან პიარისა და მარკეტინგის დეპარტამენტის თანამშრომლები შეუერთდებიან.

მანამდე, საინფორმაციო ტექნოლოგიების წარმომადგენლები პირველი რესპუბლიკის მოედანზე იმყოფებოდნენ, საიდანაც მათ საკანონმდებლო ორგანოსთან მსვლელობით გადაინაცვლეს.

„დღეს არის ხელისუფლების შენარჩუნების დრო. აღარ გვაქვს სახელმწიფო, ასე არ გამოვა. აქ ყველაფერს ხალხი გადაწყვეტს და ჩვენ ძალას ყველას დავანახებთ“,- უთხრა აქციის ერთ-ერთმა მონაწილემ „მთავარ არხს“.

მსვლელობას მართავენ მარკეტერები და დიზაინერებიც.

მოქალაქეები ამ წუთებში ვაკის პარკიდან რუსთაველის გაზმირისკენ მიემართებიან.

„უბრალოდ არ ვიცი, სხვა რა უნდა ვაკეთოთ, ეს რომ არა. მგონია, რომ ეს ჩვენი პროფესიული და მოქალაქეობრივი ვალია“,- განაცხადა აქციის მონაწილემ „TV პირველთან“.

ასევე, მსვლელობას მართავენ ხელოვანებიც.

ამ წუთებში სახელოვნებო სფეროს წარმომადგენლები ქვეყანაში აკრედიტირებული დიპლომატიური კორპუსის წარმომადგენლების ოფისებისკენ მიემართებიან.

„დროა, რომ საერთაშორისო პარტნიორების იყვნენ მკაფიოები. ვითხოვთ, ამ მთავრობის სანქცირებას. პირველ რიგში, მივდივართ უნგრეთის საელჩოსთან, რომელიც „ქართული ოცნების“ სანქცირების უპირველესი შემაფერხელბელია“,- განაცხადა აქციის მონაწილემ „TV პირველთან“.

მოქალაქეები თბილისის მერიის მიმდებარე ტერიტორიაზეც არიან შეკრებილები.

მათთან ერთად იმყოფებიან „კოალიცია ცვლილებისთვის“ წევრებიც.

„საქართველოში არ არსებობს უწყება, რომლის წინაც აქციის ჩატარება არ ღირს. ჩვენ გვქონდა აქცია შინაგან საქმეთა სამინისტროსთანაც და დღეს მერია იმიტომ, რომ კალაძე არის ერთ-ერთი განსახიერება ამორალურობისა და რუსული პოლიტიკის გატარების“,- განაცხადა „კოალიცია ცვლილებისთვის“ წევრმა, ელენე ხოშტარიამ „TV პირველთან“.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ