2024-12-09 23:57:20, 1392 ნახვა

---

პარლამენტი ივანიშვილის, ღარიბაშვილისა და ყაველაშვილისთვის სადეპუტატო უფლებამოსილების შეწყვეტას კენჭს 10 დეკემბერს უყრის

10 დეკემბერს, საშემოდგომო სესიის პლენარულ სხდომაზე, საქართველოს პარლამენტი „ქართული ოცნების“ საპატიო თავმჯდომარე ბიძინა ივანიშვილისთვის, პარტიის თავმჯდომარე ირაკლი ღარიბაშვილისა და პრეზიდენტის თანამდებობაზე წარდგენილი მიხეილ ყაველაშვილისთვის სადეპუტატო უფლებამოსილების ვადამდე შეწყვეტის გადაწყვეტილებას მიიღებს.

საკითხის განხილვა, პლენარულ სხდომაზე გატანამდე, საპროცედურო საკითხთა და წესების კომიტეტის სხდომაზე მოხდება. მომხსენებელი დეპუტატი დავით მათიკაშვილი იქნება.

აღნიშნულის გარდა, პარლამენტის წევრობასთან შეუთავსებელი თანამდებობის დაკავების გამო, პარლამენტის დღის წესრიგში ირაკლი კობახიძის, მაკა ბოჭორიშვილის, ანრი ოხანაშვილის, დავით სონღულაშვილისა და მარიამ ქვრივიშვილისთვის სადეპუტატო უფლებამოსილების შეწყვეტის საკითხიც დგას.

პარლამენტის საშემოდგომო სესია 13 დეკემბერს დაიხურება. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი