2024-12-09 22:24:47, 1328 ნახვა

---

მამუკა მდინარაძის განცხადებით, სიგარეტსა და „აიქოსზე“ აქციზის, ხოლო სათამაშო ბიზნესის შემთხვევაში მოგების გადასახადი იზრდება

„ქართული ოცნების“ გადაწყვეტილებით, სიგარეტსა და „აიქოსზე“ აქციზის გადასახადი იზრდება. ამის შესახებ მმართველი პარტიის აღმასრულებელმა მდივანმა, მამუკა მდინარაძემ განაცხადა.

როგორც მდინარაძემ უმრავლესობის სხდომის დასრულების შემდეგ გამართულ ბრიფინგზე აღნიშნა, გარდა ამისა, სათამაშო ბიზნესის შემთხვევაში მოგების გადასახადი გაიზრდება.

„მმართველმა გუნდმა მიიღო გადაწყვეტილება, რომ „საგადასახადო კოდექსში“ შევიდეს ცვლილება - სიგარეტისა და „აიქოსის“ შემთხვევაში გაძვირდეს აქციზის გადასახადი, რაც „აიქოსის“ შემთხვევაში იქნება 15 თეთრის, ხოლო 20 თეთრის ოდენობით სიგარეტის შემთხვევაში.

ასევე, ძალიან მნიშვნელოვანია, რომ თამაშების ორგანიზატორებზე მოგების გადასახადი იზრდება 5%-ით. მოგებასთან დაკავშირებით, როგორც ბანკებს აქვთ საგადასახადო რეგულაცია, იგივე იქნება სათამაშო ბიზნესთან, ონლაინ კაზინოებთან დაკავშირებით. 

ესტონური მოდელის მიხედვით, ეს ბიზნესი ასეთი გადასახადისგან გათავისუფლებული იყო“, - თქვა მდინარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი