სპეციალური საგამოძიებო სამსახურის მიმდებარედ ამ წუთებში აქცია იმართება.

საპროტესტო აქციაზე შეკრებილი ადამიანები საგამოძიებო სამსახურს რეაგირებისკენ მოუწოდებენ.

ახალგაზრდებმა, სამოქალაქო აქტივისტებმა და არასამთავრობო ორგანიზაციის წარმოამდგენლებმა ადგილზე საპროტესტო აქციების დროს დაშავებული მოქალაქეების ფოტოსურათები მიიტანეს.

„დიდი მოლოდინი აღარ მაქვს სახელმწიფო უწყებებთან მიმართებით იმიტომ, რომ ბიძინა ივანიშვილის მიერ არის სახელმწიფო უწყებები მიტაცებული. მას ჰყავს თავისი მინისტრები, თავისი უწყებები და თავისი პარლამენტიც კი. ის ცდილობს, თავისი ადმინისტრაციული რესურსების გამოყენებით შეინარჩუნოს ძაულაუფლება“,- განაცხადა აქციაზე მყოფმა „საერთაშორისო - გამჭირვალობა საქართველოს“ აღმასრულებელმა დირექტორმა, ეკა გიგაურმა „მთავარ არხთან“ საუბრისას.

შეგახსენებთ, საპროტესტო აქციებმა დედაქალაქი და ქვეყნის სხვა ქალაქები მას შემდეგ მოიცვა, რაც „ქართული ოცნების“ 28 ნოემბრის გადაწყვეტილება საზოგადოებისთვის ცნობილი გახდა. გადაწყვეტილების თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. საპროტესტო აქციები დედაქალაქსა და ქვეყნის რამდენიმე ქალაქში 10 დღეზე მეტია უწყვეტად მიმდინარეობს.

ავტორი: ექსპრესნიუსი,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა