ქართველ ხალხსა და პრეზიდენტ ზურაბიშვილს სოლიდარობას ვუცხადებთ,- ამის შესახებ მსოფლიო ქალი ლიდერები წერილს ავცელებენ და საქართველოში მიმდინარე მოვმენებს ეხმაურებიან.

როგორც განცხადებაშია აღნიშნული, ხელისუფლების მხრიდან მუდმივი ნეგატიური რეაქციისა და შევიწროების მიუხედავად, პრეზიდენტმა ზურაბიშვილმა გამოავლინა ურყევი გამბედაობა და ლიდერობა, როდესაც მთავრობის ანტიდემოკრატიული ზომები დაგმო.

„ჩვენ, ხელმომწერი მსოფლიო ქალი ლიდერები, საქართველოს ისტორიის ამ კრიტიკულ მომენტში სოლიდარობას ვუცხადებთ ქართველ ხალხსა და პრეზიდენტ სალომე ზურაბიშვილს.

ბოლოდროინდელი მოვლენები თბილისში, სადაც 200 ათასზე მეტი მოქალაქე ქუჩაში გამოვიდა, რათა რუსეთთან კავშირში მყოფი მმართველი პარტიის მიერ ევროკავშირთან გაწევრების მოლაპარაკებების შეჩერება გააპროტესტოს, ევროპული მომავლისა და დემოკრატიული გზისადმი ქართველი ხალხის ღრმა ერთგულებას უსვამს ხაზს.

მმართველი პარტიის ქმედებები, მათ შორის ევროკავშირში გაწევრების მოლაპარაკებების შეჩერება და მშვიდობიანი საპროტესტო აქციების ძალადობრივი ჩახშობა, წარმოადგენს საქართველოს კონსტიტუციისა და ადამიანის ფუნდამენტური უფლებების პირდაპირ დარღვევას.

იმის გათვალისწინებით, რომ საერთაშორისო დამკვირვებლებმა არჩევნები ფალსიფიცირებულად და დემოკრატიული ნორმების სისტემატიურ ეროზიად მიიჩნიეს, ეს ქმედებები ღალატობს ქართველთა უმრავლესობის მხარდაჭერას, რომლებიც მხარს უჭერენ ევროატლანტიკურ ინტეგრაციას და დემოკრატიულ მომავალს.

ხელისუფლების მხრიდან მუდმივი ნეგატიური რეაქციისა და შევიწროების მიუხედავად, პრეზიდენტმა ზურაბიშვილმა გამოავლინა ურყევი გამბედაობა და ლიდერობა, როდესაც მთავრობის ანტიდემოკრატიული ზომები დაგმო.

მომიტინგეების გვერდით დგომით და მმართველი პარტიის არაკონსტიტუციური ქმედებების უარყოფით, მან განასახიერა თავისი ხალხის ნება და მხარი დაუჭირა დემოკრატიულ პრინციპებს, რომელთა სრულად მიღწევაც საქართველოს დიდი ხანია სურს. ის რჩება ერთადერთ ლეგიტიმურ ლიდერად ქვეყანაში, სადაც მოქმედი ხელისუფლება ძალაუფლებაში საეჭვო არჩევნების გზით მოვიდა.

საერთაშორისო საზოგადოებამ დაუყოვნებლივი და გადამწყვეტი ზომები უნდა მიიღოს. მოვუწოდებთ ევროკავშირს, უცხოურ ხელისუფლებებსა და მრავალმხრივ ორგანიზაციებს, მხარი დაუჭირონ პრეზიდენტ ზურაბიშვილის მანდატს და ძლიერი მხარდაჭერა გაუწიონ საქართველოს სამოქალაქო საზოგადოებას.

საქართველო არ არის იზოლირებული შემთხვევა: ის გლობალურ ბრძოლაში არის კრიტიკული ბრძოლის ველი ავტორიტარიზმსა და დემოკრატიას შორის. როგორც ქალი ლიდერები, მოვუწოდებთ საერთაშორისო საზოგადოებას იმოქმედოს გადამწყვეტად, რათა დაიცვას საქართველოს დემოკრატია და მისი ხალხისა და პრეზიდენტის ურყევი გამბედაობა," - ნათქვამია წერილში.

წერილს ხელს აწერენ

ახალი ზელანდიის ყოფილი პრემიერ-მინისტრი – ჰელენ კლარკი
შეერთებული შტატების 67-ე სახელმწიფო მდივანი – ჰილარი კლინტონი
მექსიკის ყოფილი საგარეო საქმეთა მინისტრი – პატრიცია ესპინოზა
ავსტრალიის ყოფილი პრემიერ-მინისტრი – ჯულია გილარდი
ლიეტუვის ყოფილი პრეზიდენტი – დალია გრიბაუსკაიტე
ფინეთის ყოფილი პრემიერ-მინისტრი – სანა მარინი
ჩრდილოეთ ირლანდიის საკანონმდებლო ასამბლეის ყოფილი წევრი – მონიკა მაკუილიამსი
ირლანდიის ყოფილი პრეზიდენტი – მერი რობინსონი
კოსოვოს რესპუბლიკის პრეზიდენტი – ვიოსა ოსმანი-სადრიუ
ლიბერიის ყოფილი პრეზიდენტი – ელენ ჯონსონ-სირლიფი
აშშ-ს ყოფილი ელჩი ქალთა გლობალურ საკითხებში და ჯორჯთაუნის ქალთა, მშვიდობისა და უსაფრთხოების ინსტიტუტის აღმასრულებელი დირექტორი – მელანი ვერვეერი.

ავტორი: ექსპრესნიუსი,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში