მუშტი დამარტყა სახეზე, მერე წიხლებს მირტყამდნენ, შავებში იყო ჩაცმული და პირბადე ჰქონდა აწეული,- ამის შესახებ „პუბლიკის“ ჟურნალისტმა, მინდია გაბაძემ „პუბლიკასთან“ „ფეისბუქ-ლაივის“ დროს განაცხადა.

მისი თქმით, აქვს ძლიერი თავის ტკივილი და სათვალეები გაუტეხეს.

„არც კი ვიღებდი, არც კამერა მქონდა ხელში და არც ტელეფონი, უბრალოდ მასალებს ვტვირთავდი, როდესაც ჩემთვის უცნობი პირი მოვიდა, თავიდან ძალიან ახლოს მოვიდა, იმდენად ახლოს, რომ მარტო ვიყავით იქ და არ უნდა მოსულიყო ასე ახლოს.

საეჭვო იყო და რომ ვკითხე, რა ხდება-მეთქი, პირდაპირ გადმოვიდა, მუშტი დამარტყეს სახეზე. მივხვდი, რომ არ ჩერდებოდა და დამაგდო ძირს, მერე წიხლებს მირტყამდა. მაგ დროს უკვე რამდენიმე იყო, სავარაუდოდ, იმიტომ, რომ 2 ადამიანის ხმა მესმოდა, მე მგონი. 

მერე ხალხმა დაინახა და მოვიდნენ. მე ვეუბნებოდი, რომ პრესა ვიყავი, თან მეკეთა „ბეიჯი“. მერე უკვე გაიქცნენ. კადრები არის, რომ მირბიან.

თავის ტკივილი მაქვს ძლიერი და სათვალეები გამიტეხეს, მაგრამ მაგას აღარ ვჩივი. არ ვიცი, როდის მომცემენ სასწრაფოს გამოძახების საშუალებას. არანაირი ფორმა არ ეცვა, იყო შავებში ჩაცმული და პირბადე ჰქონდა აწეული“,- ჰყვება მინდია გაბაძე.

ცნობისთვის, „პუბლიკის“ ჟურნალისტ მინდია გაბაძეზე თავდასხმა ცოტა ხნის წინ თბილისში, „ცისფერ გალერეასთან“ მოხდა.

ავტორი: ექსპრესნიუსი,

სოციალური ქსელები

შოიგუ: დასავლეთი უცერემონიოდ ერევა საქართველოში არსებულ ვითარებაში

Nordwind Airlines-ი რუსეთის 15 ქალაქიდან რეისებს სოჭის ნაცვლად სოხუმის აეროპორტში გადაიტანს

ელისაშვილი მდინარაძეს - გენერლის სტატუსი არ ჰქონდა, ლეიტენანტი იყო, როცა ვცემე და დაწყებული საქმე უნდა დავასრულო

ზელენსკის თქმით, უკრაინელმა როსტოვში აეროდრომზე 3 თვითმფრინავი და 3 ვერტმფრენი გაანადგურეს