ყველა მოქალაქის ვალია, ანტიდასავლური ავტორიტარიზმის საფრთხეს წინ აღუდგეს,- ამის შესახებ გიორგი ჩუბინაშვილის სახელობის ეროვნული კვლევითი ცენტრი განცხადებას ავრცელებს.

როგორც განცხადებაშია აღნიშნული, ადამიანები ქვეყნის ევროპული არჩევანის, დემოკრატიული ღირებულებებისა და ადამიანის უფლებების დასაცავად მტკიცედ უნდა დადგნენ.

„ბოლო დროს საქართველოში მიმდინარე მოვლენები ცხადყოფს, რომ ხელისუფლებამ მკვეთრად გადაუხვია ევროატლანტიკური ინტეგრაციის კურსიდან, რაც ეწინააღმდეგება საქართველოს მოქალაქეების უმრავლესობის ნებას, ჩვენი ქვეყნის კონსტიტუციას და ისტორიულ მისწრაფებებს.

28 ნოემბრის განცხადებას 2028 წლამდე ევროკავშირში გაწევრიანების მოლაპარაკებებზე უარის შესახებ მომდევნო დღეებში მოჰყვა ათიათასობით მოქალაქის საპროტესტო გამოსვლები, რომლებსაც პოლიცია ძალის გადამეტებით არბევს. ფიზიკურად უსწორდებიან პროტესტის ათეულობით მონაწილეს.

შექმნილ ვითარებაში საქართველოს ყველა მოქალაქის ვალია, წინ აღუდგეს ანტიდასავლური ავტორიტარიზმის საფრთხეს და მტკიცედ დადგეს ჩვენი ქვეყნის ევროპული არჩევანის, დემოკრატიული ღირებულებებისა და ადამიანის უფლებების დასაცავად“,- აღნიშნულია განცხადებაში.

ავტორი: ექსპრესნიუსი,

სოციალური ქსელები

შარაშიძე – ნებისმიერი პარტიის აკრძალვა არადემოკრატიული გადაწყვეტილებაა, პარტია უნდა აკრძალოს მხოლოდ ხალხმა

შოიგუ: დასავლეთი უცერემონიოდ ერევა საქართველოში არსებულ ვითარებაში

Nordwind Airlines-ი რუსეთის 15 ქალაქიდან რეისებს სოჭის ნაცვლად სოხუმის აეროპორტში გადაიტანს

ელისაშვილი მდინარაძეს - გენერლის სტატუსი არ ჰქონდა, ლეიტენანტი იყო, როცა ვცემე და დაწყებული საქმე უნდა დავასრულო