ვაკის რაიონში, უნივერსიტეტისა და პეტრე ქავთარაძის ქუჩების დამაკავშირებელი გზის და გვირაბის მშენებლობა აქტიურად მიმდინარეობს. ამის შესახებ ინფორმაციას თბილისის მერია ავრცელებს.

მერიის ცნობით, ტერიტორიაზე მიწის საექსკავაციო და გვირაბის რკინაბეტონის ფილის მოწყობის სამუშაოების უმეტესი ნაწილი დასრულებულია. ამჟამად, გვირაბის კედლების არმირების პროცესი ხორციელდება.  

სამუშაო პროცესს თბილისის მერი კახა კალაძე საკრებულოს თავმჯდომარე გიორგი ტყემალაძესთან ერთად გაეცნო. 

„უნივერსიტეტის ქუჩაზე ეწყობა გვირაბი, რომლით სარგებლობა შეეძლებათ ბაგების დასახლებაში, ახლად აშენებული ხიდიდან გამომსვლელ ავტომობილებს, რაც მოგვცემს შესაძლებლობას, ბაგებიდან ქავთარაძის ქუჩას პირდაპირ დავუკავშირდეთ, შემდეგ კი ვაჟა-ფშაველას გამზირზე გადავიდეთ. ეს უნივერსიტეტის ქუჩას ძალიან დაეხმარება და განტვირთავს თამარაშვილის გამზირსაც. ტერიტორიაზე, მუშაობის თვალსაზრით, გარკვეული პრობლემები გვქონდა. მოგვიწია არსებული კლდის ჩამოშლა, რაც ძალიან დიდ პრობლემას წარმოადგენდა ხმაურის თვალსაზრისით, პირველ რიგში, ადგილობრივი მოსახლეობისთვის. გარკვეულწილად, შეფერხებით ვმუშაობდით, თუმცა პროექტს ძალიან მალე, მომავალი წლის პირველ კვარტალში დავასრულებთ. დედაქალაქში მსგავსი სამუშაოების წარმოება ძალიან მნიშვნელოვანია“, - განაცხადა კახა კალაძემ. 

პროექტის ფარგლებში, გვირაბის მისასვლელ-გამოსასვლელი პანდუსები და ტროტუარები მოწყობა. ასევე, ჩატარდება საიზოლაციო სამუშაოები, დამონტაჟდება LED სანათები, მოეწყობა სანიაღვრე ქსელი და გვირაბის გასწვრივ რკინაბეტონის დამცავი კედლები. 

აღნიშნული გვირაბი უნივერსიტეტის ე.წ. მაღლივი კორპუსის მიმდებარე ტერიტორიიდან დაიწყება და მისი გასასვლელი მიხეილ შავიშვილის ქუჩას შეუერთდება, რომელიც თავის მხრივ, ქავთარაძის ქუჩასთან არის დაკავშირებული. გვირაბში გათვალისწინებულია ავტოტრანსპორტის ორმხრივი მოძრაობა, თითო ზოლი თითო მიმართულებით. 

პროექტს, რომელიც დედაქალაქის ბიუჯეტიდან 12 მილიონი ლარით ფინანსდება, თბილისის მერიის ინფრასტრუქტურის განვითარების საქალაქო სამსახური ახორციელებს.

დედაქალაქის მერთან ერთად, ადგილზე მერის მოადგილე ირაკლი ბენდელიანი, ინფრასტრუქტურის განვითარების საქალაქო სამსახურის უფროსი გიორგი აბუთიძე და ვაკის რაიონის გამგებელი დავით კვინიკაძე იმყოფებოდნენ. 

ავტორი: NS (სტატია დაფინანსებულია),

სოციალური ქსელები

შარაშიძე – ნებისმიერი პარტიის აკრძალვა არადემოკრატიული გადაწყვეტილებაა, პარტია უნდა აკრძალოს მხოლოდ ხალხმა

შოიგუ: დასავლეთი უცერემონიოდ ერევა საქართველოში არსებულ ვითარებაში

Nordwind Airlines-ი რუსეთის 15 ქალაქიდან რეისებს სოჭის ნაცვლად სოხუმის აეროპორტში გადაიტანს

ელისაშვილი მდინარაძეს - გენერლის სტატუსი არ ჰქონდა, ლეიტენანტი იყო, როცა ვცემე და დაწყებული საქმე უნდა დავასრულო