2024-11-13 17:03:47, 407 ნახვა
პოლიტიკა
„მივაწვდით ინფორმაციას დარღვევებთან დაკავშირებით“ - ცესკოში ოპოზიციური პარტიების წარმომადგენლები პრეზიდენტს ხვდებიან
ცენტრალურ საარჩევნო კომისიაში ოპოზიციური პარტიების წარმომადგენლები, საქართველოს პრეზიდენტს, სალომე ზურაბიშვილს ხვდებიან.
როგორც ცესკოში „ერთიანობა - ნაციონალური მოძრაობის“ წარმომადგენელი დავით კირთაძე აცხადებს, პრეზიდენტს ყველა დარღვევასთან დაკავშირებით მიაწვდიან ინფორმაციას.
„ჩვენ მივაწვდით პრეზიდენტს ყველა ინფორმაციას დარღვევებთან და არასამართლიან გადაწყვეტილებებთან დაკავშირებით. ცენტრალურმა საარჩევნო კომისიამ, საოლქო საარჩევნო კომისიამ საუბნო საარჩევნო კომისიები შეარჩია „ქართული ოცნების“ მხარდამჭერებიდან, რომლებმაც შემდეგ უშუალოდ გაყალბებაში მიიღეს მონაწილეობა. ეს გადაწყვეტილება კი მოდიოდა ცესკოდან“,- აცხადებს კირთაძე.
ავტორი: ექსპრესნიუსი,
epn.ge (@expressnews.ge)
