საქართველოს ცენტრალურ საარჩევნო კომისიაში საჩივრების განხილვა ხმაურისა და დაძაბულობის ფონზე მიმდინარეობს.

ცესკოს თავმჯდომარემ, გიორგი კალანდარიშვილმა ცოტა ხნის წინ „ერთიანობა - ნაციონალური მოძრაობის“ წარმომადგენელი ლაშა ფარულავა სხდომათა დარბაზიდან გააძევა.

კალანდარიშვილმა აღნიშნული გადაწყვეტილება მას შემდეგ მიიღო, რაც ფარულავამ 2024 წლის საპარლამენტო არჩევნებს „რუსული სპეცოპერაცია“ უწოდა და მასზე პასუხისმგებლობა საარჩევნო ადმინისტრაციის წარმომადგენლებს დააკისრა.

„თქვენ მიიტაცეთ ეს არჩევნები. თქვენ გქონდათ დაგეგმილი რუსული სპეცოპერაცია და თქვენ ეს სისრულეში მოიყვანეთ. გააუქმეთ დემოკრატია ქვეყანაში“,- მიმართა ფარულავამ ცესკოს წარმომადგენლებს.

აღნიშნულის გამო, კალანდარიშვილმა სხდომაზე ფარულავას გაძევების საკითხი დააყენა - მხარდაჭერის შემდეგ „ერთიანობა - ნაციონალური მოძრაობის“ წარმომადგენელს ჯერ მიკროფონი გაუთიშეს, შემდეგ კი, მანდატურის სამსახურის დახმარებით, ოპოზიციონერი პოლიტიკოსი სხდომიდან გააძევეს.

ავტორი: ექსპრესნიუსი,

სოციალური ქსელები

პროტესტის შემდეგ, ოცნებამ ჩასაბარებელი ყურძნის ფასი გააძვირა

25 სექტემბერი, 17:00, ვიკრიბებით დინამოსთან, რომ ერთად შევაცილოთ ნაკრები მატჩზე

თიბისი ტექსკოლაში ახალი ნაკადის მიღება დაიწყო - სწორი ადგილი განათლებისთვის

დარეგისტრირდი STEM სკოლაში და ისწავლე საქართველოს ბანკის სტიპენდიით