გაერთიანებული სამეფოს ევროპისა და ჩრდილოეთ ამერიკის საქმეთა მინისტრი სტივენ დოუტი საქართველოში ჩატარებულ არჩევნებსა და ეუთო/ოდირის წინასწარ დასკვნას განცხადებით ეხმაურება.

როგორც განცხადებაშია აღნიშნული, „საქართველოს ხელისუფლებამ უნდა გამოიძიოს ყველა დარღვევა და შეცვალოს დემოკრატიიდან გადახვევის კურსი“.

"გაერთიანებული სამეფო მხარს უჭერს ეუთოს/ოდირის წინასწარ დასკვნებს საქართველოში 26 ოქტომბრის საპარლამენტო არჩევნებთან დაკავშირებით, სადაც დიდმა ბრიტანეთმა 50 მოკლევადიანი დამკვირვებლით მიიღო მონაწილეობა.

ანგარიში ასახავს ადმინისტრაციული რესურსების ბოროტად გამოყენებას, ძალზე პოლარიზებულ გარემოს, ასევე ფართოდ გავრცელებულ დაშინებას და ამომრჩეველთა იძულებას. საგარეო გავლენის გამჭვირვალობის შესახებ საქართველოს კანონის სამოქალაქო საზოგადოებაზე ზემოქმედებასთან ერთად, ეს ყველაფერი არ ასახავს ღია, დემოკრატიული საზოგადოების ქმედებებს და ეწინააღმდეგება საერთაშორისო სტანდარტებს.

საქართველოს ხელისუფლებამ უნდა გამოიძიოს ყველა დარღვევა და შეცვალოს დემოკრატიიდან გადახვევის კურსი. ჩვენ ამას ყურადღებით დავაკვირდებით ჩვენს საერთაშორისო პარტნიორებთან ერთად და მზად ვართ მხარდაჭერისთვის",- ნათქვამია დოუტის განცხადებაში. 

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა