საქართველოში ხელისუფლებაში ისევ სუვერენისტები მოდიან. ისინი საერთოდ არ არიან პრორუსულები, მაგრამ არც დასავლეთის ლაქიები არიან,- ასე ეხმაურება რუსი ულტრანაციონალისტი იდეოლოგი ალექსანდრ დუგინი საქართველოში ჩატარებულ არჩევნებს.

როგორც დუგინმა აღნიშნა, "ქართულმა ოცნებამ" საქართველო "ბრიქსში" უნდა შეიყვანოს.

"საქართველოში ხელისუფლებაში ისევ სუვერენისტები მოდიან. ისინი საერთოდ არ არიან პრორუსულები, მაგრამ არც დასავლეთის ლაქიები არიან. აი, რა არის ნაციონალიზმი კარგი გაგებით - შეინარჩუნო სამშობლო, შეინარჩუნო წესრიგი, გააძლიერო დამოუკიდებლობა ყველასგან და არავის წინაშე ქედს არ მოიხარო. ჩვენთვის "ქართულ ოცნებასთან" მარტივი არ იქნება. მაგრამ სათავეში რომ სოროსის მარიონეტები მოსულიყვნენ, გარყვნილები და ექსტრემისტები, ჩვენ გაცილებით მეტი პრობლემა გვექნებოდა.მაგრამ უარესად იქნებოდნენ თავად ქართველები.

სხვა საქმეა, რომ ოპოზიციამ ცოტა მეტი მიიღო, ვიდრე თავად სუვერენისტებს ეგონათ და პარლამენტში აბსოლუტური უმრავლესობა ვერ იქნება. მაგრამ უბრალო უმრავლესობაც უკვე არ არის ცუდი. ველური არეულობის მიზეზი არ არსებობს.

მაგრამ "ქართულ ოცნებას" უნდა ჰქონდეს სტრატეგია. სანამ ისინი ლავირებენ, ძალიან წარმატებულად, მაგრამ ეს რესურსი არ არის უსასრულო. შეუძლიათ, სცადონ საქართველოს დაუბრუნონ დიდება, მაგრამ ამჯერად ტრადიციონალისტურ არალიბერალურ საფუძველზე და შეიყვანონ БРИКС-ში. БРИКС-ში მალე იქნება საკუთარი ვალუტა, კაშკაშა და მიმზიდველი ბანკნოტებით. ჯერჯერობით კი უნდა დაელოდონ სააკაშისტების და სოროსელი პერვერტების რეაქციას და განამტკიცონ გამარჯვება. დიახ, ასევე, დროა, გამოემშვიდობოთ არაპოპულარულ და ქართველოფობ პრეზიდენტ ქალს. დროა, წავიდეს სახლში, პარიზში",- წერს დუგინი Telegram-ზე.

ცნობისთვის, საქართველოს საარჩევნო ადმინისტრაციის მიერ, არსებული 3 111 საარჩევნო უბნიდან ამ დროისთვის დათვლილია 3 100 უბანი. წინასწარი მონაცემების მიხედვით, საპარლამენტო არჩევნებში „ქართული ოცნება“ 54.08%-ით ლიდერობს.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა