უმრავლესობის წარმომადგენლები აცხადებენ, რომ “უკვე მოვიგეთო“ - ნუ შეშინდებით, ნუ დაიჯერებთ! - ამის შესახებ საქართველოს მეხუთე პრეზიდენტმა, სალომე ზურაბიშვილმა სოციალურ ქსელ „ფეისბუქზე“ პირდაპირი ეთერით მოქალაქეებისადმი მიმართვისას განაცხადა.

როგორც ზურაბიშვილმა აღნიშნა, ის, „როგორც ევროპელი და ღირსეული ქართველი“, არჩევნების ოფიციალურ შედეგებს დაელოდება.

„მინდა, ადამიანებს ვუთხრა, ვინც რაღაცნაირად შეშფოთდა იმით, რომ უმრავლესობის წარმომადგენლები ძალიან არადემოკრატიულად და არაევროპულად აცხადებენ, რომ „უკვე მოვიგეთო“; აცხადებენ, რომ „რაღაცა სცენას გავმართავთო“ და აცხადებენ თუ არ აცხადებენ, მაგრამ გვაგებინებენ, რომ სპეცრაზმი შევიდა მთავრობის შენობაში. არ შეშინდეთ! ეს ყველაფერი არის ფსიქოლოგიური ზეწოლა თქვენზე და პასუხი რა არის?! თვითდაჯერება, არჩევნებში მისვლა და დალოდება შედეგებისთვის.

მე არ ვაპირებ, რომ აქ რამე სცენა გავმართო; არ ვაპირებ, რომ წინმსწრებად რამე შედეგები გამოვაცხადო. მე დაველოდები, როგორც ევროპელი, როგორც ქართველი და როგორც ღირსეული ქართველი, შედეგებს და ყველა ერთად გავიგებთ შედეგებს, როცა დრო მოვა. ასე რომ, ნუ შეშინდებით, ნუ დაიჯერებთ. დაველოდოთ შედეგს, რომელიც იქნება თქვენ მიერ დადებული შედეგი ჩვენი ქვეყნის მომავლისთვის“,- განაცხადა სალომე ზურაბიშვილმა ვიდეომიმართვაში.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!