ჩემთვის ძალიან დიდი პატივია, რომ ვესწრები ძალიან მნიშვნელოვანი პუბლიკაციების - “ბიბლია პოლიგლოტა“ და “დიდნი კურთხევანი სქოლიოებით“ - წარდგენას, მით უფრო, რომ დღევანდელი ღონისძიება ჩვენი ძვირფასი პატრიარქის, უწმინდესისა და უნეტარესის, ილია II-ის აღსაყდრებიდან  47-ე და დაბადებიდან 92-ე წლისთავს ეძღვნება,- ამის შესახებ საქართველოს პრემიერ-მინისტრმა, ირაკლი კობახიძემ პუბლიკაციების წარდგენის ღონისძიებაზე სიტყვით გამოსვლისას განახადა.

როგორც კობახიძემ აღნიშნა, პატრიარქის  მოღვაწეობაში, განსაკუთრებული ადგილი ქართულ სასულიერო განათლებასა და მეცნიერებაზე ზრუნვას უკავია“.

“სწორედ უწმინდესის სახელთან, მის უდიდეს პირად ძალისხმევასთან არის დაკავშირებული ჯერ კიდევ საბჭოთა პერიოდში სემინარიებისა და აკადემიების დაარსება, სასულიერო სწავლების, მწიგნობრობისა და მეცნიერების უპრეცედენტო აღმავლობა ჩვენს ქვეყანაში.

პუბლიკაციები, რომლებიც დღეიდან უმნიშვნელოვანეს შენაძენად იქცევა ჩვენი საზოგადოებისთვის, ამ დიდი ძალისხმევის კიდევ ერთი თვალსაჩინო შედეგია. მათი გამოცემა არა მხოლოდ ქართული ეკლესიის, მეცნიერების, მთლიანად საზოგადოებისათვის, არამედ ზოგადად ქრისტიანული სამყაროსთვის არის მნიშვნელოვანი.

მინდა, მადლობა გადავუხადო მამა გიორგი ზვიადაძეს და ედიშერ ჭელიძეს. როგორც ცნობილია, პუბლიკაციები პატრიარქის ლოცვა-კურთხევით მომზადდა თბილისის სასულიერო აკადემიასა და სემინარიაში სწორედ მამა გიორგი ზვიადაძის ხელშეწყობით და ედიშერ ჭელიძის თაოსნობით. მადლობას ვუხდი ყველას, ვისი ძალისხმევითაც შესაძლებელი გახდა ამ უმნიშვნელოვანესი ნაშრომების გამოცემა“,- განაცხადა კობახიძემ.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!