„არჩევნებამდე ექვსი დღით ადრე ეს არის მართლა გაფრთხილება ივანიშვილისთვის, რომ მისი დრო ამოიწურა. დარწმუნებული ვარ, 26 ოქტომბრის რეფერენდუმად ქცეულ არჩევნებზე თითოეული საქართველოს მოქალაქე გააკეთებს ევროპულ არჩევანს.“ - განაცხადა „ერთიანობა ნაციონალური მოძრაობის’’ თავმჯდომარემ, თინა ბოკუჩავამ

 „ეს არის ბოლო გაფრთხილება ივანიშვილისთვის ქართველი ხალხისგან, რომ ქართველი ხალხი არ დათმობს ევროპულ მომავალს. ივანიშვილმა კიდევ ერთხელ უნდა გაიგოს ჩვენი ხმა. ჩვენ ახლა შეკრებილები ვართ გმირთ მოედანზე, აქედან დავიძვრებით თავისუფლების მოედნისკენ. არის სულ ხუთი ლოკაცია და მე დიდი იმედი მაქვს, რომ ძალიან  ბევრი ადამიანი შემოგვიერთდება და თავისუფლების მოედანზე ჩვენ ვიქნებით ძალიან ბევრნი, რომ ბიძინა ივანიშვილმა კიდევ ერთხელ გაიგოს ქართველი ხალხის ხმა, რომ ჩვენი არჩევანი არის ევროპული არჩევანი, რომ ჩვენ ერთიანობით ვირჩევთ ევროპულ კეთილდღეობას, უარს ვამბობთ საერთაშორისო იზოლაციაზე და იმ სიღატაკეზე, რაც საერთაშორისო იზოლაციას მოაქვს. არჩევნებამდე ექვსი დღით ადრე ეს არის მართლა გაფრთხილება ივანიშვილისთვის, რომ მისი დრო ამოიწურა. ეს გადაწყვეტილება ქართველ ხალხს უკვე მიღებული აქვს, ეს არჩევანი ქართველ ხალხს უკვე გაკეთებული აქვს და ახლა ჩვენი ვალია, პოლიტიკური პარტიების, მაგრამ ასევე თითოეული მოქალაქის, რომელსაც აქვს ყველაზე ძვირფასი კონსტიტუციური უფლება, რომ საკუთარი ხმით, საკუთარი არჩევანით განსაზღვროს თავისი ბედი და ჩვენი ქვეყნის მომავალი. მე დარწმუნებული ვარ, რომ საქართველოს თითოეული მოქალაქე გამოიყენებს ამ შესაძლებლობას და ევროპულ არჩევანს გააკეთებს სულ რაღაც ექვს დღეში, 26 ოქტომბრის რეფერენდუმად ქცეულ არჩევნებზე, სადაც ჩვენი ქვეყანა უნდა დავაბრუნოთ ევროპის განვითარების გზაზე.“ - განაცხადა თინა ბოკუჩავამ.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას