ჩვენმა თაობებმა იმისთვის იბრძოლეს, რომ საქართველო თავისუფალი, დამოუკიდებელი, სუვერენული სახელმწიფო ყოფილიყო,- ამის შესახებ თბილისის მერმა, კახა კალაძემ ევროპარლამენტის მიერ გამოქვეყნებულ რეზოლუციის იმ პროექტთან დაკავშირებით განაცხადა, რომელსაც კენჭს დღეს უყრიან.

კალაძის თქმით, “ყოფილი პრეზიდენტის, მიხეილ სააკაშვილის გათავისუფლება, რომელსაც აღნიშნული დოკუმენტით ითხოვენ, დემოკრატია არ არის, რადგან მას მოსახლეობის წინაშე კონკრეტული დანაშაულები აქვს ჩადენილი“.

“ამ ყველაფერს აქვს ჩალის ფასი. იმ რეზოლუციებს, რომელთაც წინა თვეების განმავლობაში იღებდნენ, დღეს უბრალოდ გარკვეული მიმართულებები დაემატა. რომ გვეუბნებოდნენ, მიხეილ სააკაშვილი უნდა გათავისუფლდესო, კიდევ ერთხელ გაიმეორეს. წარმოგიდგენიათ?! დემოკრატიაზე, ევროპულობაზე ვსაუბრობთ და ადამიანზე, რომელსაც დანაშაული აქვს ჩადენილი კონკრეტულ საქმეებზე, გვეუბნებიან, უპირობოდ გამოუშვითო. ეს არის მათეული დემოკრატია. მაგისთვის არ გვიბრძოლია ჩვენ და არც ჩვენს წინაპრებს შეუწირავთ თავი იმისთვის, რომ ვიღაცებმა მოწოდებები გაგვიკეთონ, კონკრეტული დამნაშავეები გამოგვაშვებინონ ან თუნდაც ქვეყნის ინტერესი დაგვათმობინონ. ჩვენმა თაობებმა იმისთვის იბრძოლეს, რომ საქართველო თავისუფალი, დამოუკიდებელი, სუვერენული სახელმწიფო ყოფილიყო“,- განაცხადა კალაძემ.

თბილისის მერმა ასევე უპასუხა შეკითხვას რუსეთის მიმართ დაწესებულ სანქციებთან დაკავშირებით და აღნიშნა, რომ სანქციებზე მიერთებით ისევ და ისევ საქართველოს მოქალაქეები დაზარალდებოდნენ.

“სანქციებზე ხომ არ იყო ამდენი ხანი საუბარი?! თვითონ ხომ არ საუბრობდნენ?! მეორე, მესამე პირებს ალაპარაკებდნენ ამასთან დაკავშირებით. არსებობს კიდევ უფრო მნიშვნელოვანი თემები, უფრო მძიმე, რომელთან დაკავშირებითაც, მაღალი თანამდებობის პირების კაბინეტებში, ხელის გადაგრეხვის მცდელობა ჰქონდათ, რომ ისე მოვქცეულიყავით, ისეთი ნაბიჯი გადაგვედგა, როგორც თავად გვეუბნებოდნენ. დარწმუნებული ვარ, მალე ამასაც ჩაწერენ რევოლუციაში. ეს ძალიან მძიმეა. ჩვენ არაფერს ვაკეთებთ განსაკუთრებულს. მშვიდობა გვინდა ჩვენს სამშობლოში, რადგან ვიცით, რა არის ომი და რამხელა უბედურების მომტანია ის. ასევე, ვიცით, რა შეიძლება მოიტანოს სანქციებმა. ჩვენ რომ ვყოფილიყავით სუსტი ხელისუფლება, შეგვშინებოდა ვიღაცების და სანქციებს მივერთებოდით, ამით დაზარალდებოდა გლეხი, რომელიც შრომობს; დაზარალდებოდნენ ის ადამიანები, რომელთაც რესტორნები, კაფეები აქვთ. ეს მერე ხომ აისახებოდა ქვეყანაზე, მის ეკონომიკაზე?! შესაძლოა, მიზანი ესეც იყო - ამ შეცდომის შემდეგ, ხალხი ხელისუფლებას შემოუბრუნდებოდა და გვეტყოდა: იმისთვის აგირჩიეთ, რომ გაატარო ისეთი პოლიტიკა, რომელიც კი არ დამაზიანებს, პირიქით, ქვეყანას, ეკონომიკას განავითარებს და ქვეყანას გააძლიერებს. ეს მოცემულობაა დღეს“,- აღნიშნა კალაძემ.

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო