2024-10-02 11:13:21, 463 ნახვა
მსოფლიო
ისრაელის თავდაცვის ძალები - დღეს დილით ლიბანმა ისრაელის მიმართულებით 50-მდე რაკეტა გაუშვა
დღეს დილით ლიბანიდან ისრაელის მიმართულებით, დაახლოებით, 50-მდე რაკეტა გაუშვეს. ამის შესახებ ინფორმაციას ისრაელის მედია ქვეყნის თავდაცვის ძალების განცხადებაზე დაყრდნობით ავრცელებს.
მედიის ცნობით, 10-მდე საცხოვრებელი სახლი დაზიანებულია, დაშავებულების შესახებ ინფორმაცია არ გავრცელებულა.
პარალელურად, ისრაელის თავდაცვის ძალები აგრძელებენ ბეირუთზე დარტყმებს. ღამით ისრაელმა ლიბანის დედაქალაქის მოსახლეობას ევაკუაციისკენ მოუწოდა.
"ყურადღება, არ გადახვიდეთ სამხრეთით. სამხრეთის მიმართულებით ნებისმიერმა მოძრაობამ, შეიძლება, საფრთხე შეუქმნას თქვენს სიცოცხლეს",- ნათქვამია ისრაელის თავდაცვის ძალების მიერ გავრცელებულ განცხადებაში.
ავტორი: ექსპრესნიუსი,
epn.ge (@expressnews.ge)
