|
2024-09-27 21:14:49, 566 ნახვა
ეკონომიკა
ზურაბ პოლოლიკაშვილმა საქართველოში ინვესტირებისთვის საჭირო ორ ძირითად საკითხზე ისაუბრა
გაეროს მსოფლიო ტურიზმის ორგანიზაციის გენერალურმა მდივანმა, ზურაბ პოლოლიკაშვილმა პანელურ დისკუსიაზე გამოსვლისას, ინვესტირების გზამკვლევის შემუშავების პროცესზე ისაუბრა, რომელიც ტურიზმის ორგანიზაციის მიერ გამოიცა და მის მომზადებაში აქტიურად იყო ჩართული ეკონომიკის სამინისტროს სააგენტო "აწარმოე საქართველოში". მისი განმარტებით, როდესაც გაეროს მსოფლიო ტურიზმის ორგანიზაციამ ინვესტიციების დეპარტამენტი შექმნა, შესაბამისად, გადაწყდა იმ ქვეყნების დახმარება, რომელთაც პირდაპირი უცხოური ინვესტიციების მოზიდვა სურდათ. ზურაბ პოლოლიკაშვილის განცხადებით, ამისთვის იყო საჭირო გზამკვლევის შემუშავება და ამ მიმართულებით განსაკუთრებული როლი შეასრულა ინვესტიციების ბანკმა (KAF Investment Bank). „ჩვენ შევქმენით გზამკვლევი, როგორ უნდა ვესაუბროთ ინვესტორებს და როგორ უნდა დავარწმუნოთ ისინი, ასევე- რატომ უნდა დააბანდონ ფული ტურიზმის სექტორში. ჩვენ ვესაუბრებოდით წევრ ქვეყნებს, რა თქმა უნდა, თითოეული მათგანი გამოირჩეოდა საკუთარი გეოპოლიტიკური მდებარეობით, პოლიტიკური შეხედულებებითა და მახასიათებლებით. ამასთანავე, მათ აქვთ სხვადასხვა ტიპის საკანონმდებლო ბაზები, ინიციატივებიც განსხვავებულია. ჩვენ გვქონდა ჩამონათვალი ქვეყნებისა, რომლებიც მოგვმართავდნენ თავიანთი გეგმებით და ნაბიჯ-ნაბიჯ დავიწყეთ ამ საინტერესო გზამკვლევის შემუშავება", - განაცხადა ზურაბ პოლოლიკაშვილმა. მისივე ინფორმაციით, უკვე 20-მდე მსგავსი ტიპის გზამკვლევი იქნა შემოშავებული მსოფლიოს სხვადასხვა ქვეყნისთვის. „პირველ რიგში, უნდა ჩამოხვიდეთ საქართველოში და შემდეგ ფული უნდა დააბანდოთ - ეს არის ორი საუკეთესო რამ, რაც უნდა გააკეთოს ინვესტორმა!" - მიმართა ზურაბ პოლოლიკაშვილმა დამსწრე საზოგადოებას. ინფორმაციას ეკონომიკის სამინისტრო ავრცელებს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



