2024-09-27 11:30:32, 379 ნახვა
პოლიტიკა
კობახიძე - რუსეთს აქვს ოკუპირებული საქართველოს ტერიტორიების 20% - ეს არის ფაქტი, რომელსაც არავინ უარყოფს
გაეროში გამოსვლისას საუბარი იყო ოკუპაციაზე, აფხაზეთსა და ცხინვალის რეგიონზე,- ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
როგორც მთავრობის მეთაურმა აღნიშნა, რუსეთს აქვს ოკუპირებული საქართველოს ტერიტორიების 20 პროცენტი - „ეს არის ფაქტი, რომელსაც არავინ უარყოფს".
„საქართველოს ტერიტორიები ოკუპირებული აქვს რუსეთის ფედერაციას, ეს ყველამ კარგად იცის. რუსეთს აქვს ოკუპირებული საქართველოს ტერიტორიების 20 პროცენტი, ეს არის ფაქტი, რომელსაც არავინ უარყოფს. გაეროში საუბარი იყო ოკუპაციაზე, აფხაზეთზე, ცხინვალის რეგიონზე, საქართველოს ტერიტორიულ მთლიანობაზე",- განაცხადა პრემიერმა.
ავტორი: ექსპრესნიუსი,
epn.ge (@expressnews.ge)
