2024-09-27 09:20:04, 435 ნახვა
მსოფლიო
ტრამპი - ზელენსკიმ შეხვედრა მთხოვა - მე მას დღეს შევხვდები
ამერიკის შეერთებული შტატების ყოფილი პრეზიდენტი და “რესპუბლიკური პარტიის“ პრეზიდენტობის კანდიდატი დონალდ ტრამპი აცხადებს, რომ დღეს, ნიუ-იორკში უკრაინის პრეზიდენტს, ვოლოდიმირ ზელენსკის შეხვდება.
ტრამპის თქმით, ის ზელენსკის არ ეთანხმება, მაგრამ სჯერა, რომ შეძლებს შეთანხმების მიღწევას პუტინსა და უკრაინის პრეზიდენტს შორის.
“უკრაინის პრეზიდენტმა, ვოლოდიმირ ზელენსკიმ შეხვედრა მთხოვა და მოუთმენლად ველოდები მის ნახვას. მე მას დღეს, დაახლოებით, 09:45 საათზე ტრამპ-თაუერში შევხვდები. ვიცი, არ ვეთანხმები მას. მხოლოდ ამას ვიტყვი. მჯერა, შევძლებ შეთანხმების მიღწევას პრეზიდენტ პუტინსა და პრეზიდენტ ზელენსკის შორის, თან საკმაოდ სწრაფად“,- აღნიშნა ტრამპმა.
ავტორი: ექსპრესნიუსი,
epn.ge (@expressnews.ge)
