უკრაინის პრეზიდენტი ვოლოდიმირ ზელენსკი ნიუ-იორკში, გაეროს გენერალური ასამბლეის ფარგლებში ამერიკის შეერთებული შტატების პრეზიდენტ ჯო ბაიდენს შეხვდა. ამის შესახებ ინფორმაციას უკრაინის პრეზიდენტის ადმინისტრაცია ავრცელებს.

ზელენსკიმ ჯო ბაიდენს და შეერთებულ შტატებს უკრაინისთვის გაწეული მხარდაჭერისთვის მადლობა გადაუხადა.

პრეზიდენტის ადმინისტრაციის ინფორმაციით, უკრაინის ლიდერმა აშშ-ის პრეზიდენტს უკრაინაში, განსაკუთრებით კი, ფრონტზე არსებული ვითარება გააცნო. მან ყურადღება გაამახვილა გამარჯვების გეგმაზეც. ლიდერები შეთანხმდნენ, რომ ამაზე 26 სექტემბერს ვაშინგტონში მოლაპარაკებების დროს იმსჯელებენ.

პრეზიდენტებმა ასევე მონაწილეობა მიიღეს “დიდი შვიდეულის“ სპეციალურ შეხვედრაში უკრაინის აღდგენის შესახებ.

ცნობისთვის, 30-ზე მეტმა ქვეყანამ და ევროკავშირმა ხელი მოაწერეს დეკლარაციას, რომელიც ორიენტირებულია უკრაინის ომის შემდგომ აღდგენაზე.

ავტორი: ექსპრესნიუსი,

სოციალური ქსელები

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს