ამერიკის შეერთებული შტატების პროკურატურამ აშშ-ის ყოფილი პრეზიდენტისა და “რესპუბლიკური პარტიის“ საპრეზიდენტო კანდიდატის, დონალდ ტრამპის მკვლელობის მცდელობისთვის დაკავებულ რაიან რუთს ბრალი წაუყენა. ამის შესახებ ინფორმაციას BBC ავრცელებს.

მედიის ცნობით, იმ შემთხვევაში, თუ რუთს პრეზიდენტობის კანდიდატის მკვლელობის მცდელობისთვის დამნაშავედ ცნობენ, მას სამუდამო პატიმრობა ემუქრება.

“ყოფილი პრეზიდენტის მკვლელობის მცდელობა საზარელი აქტია. პირობას ვდებ, რუთის პასუხისმგებლობისთვის ყველა ხელმისაწვდომ ინსტრუმენტს გამოვიყენებ, რადგან საჯარო მოხელეების მიმართ მიმართული ძალადობა საფრთხეს უქმნის ყველაფერ იმას, რასაც მხარს უჭერს ჩვენი ქვეყანა“,- განაცხადა აშშ-ის გენერალურმა პროკურორმა, მერიკ გარლანდიმ.

რუთს სახელმწიფო ბრალდება როგორც ნასამართლევ მოქალაქეს, დანაშაულებრივი ქმედების შესრულებისთვის იარაღის ფლობას, ამოშლილი სერიული ნომრით იარაღის ფლობასა და ფედერალური თანამდებობის პირზე თავდასხმას ედავება.​​​​​​​​​​​​​​​​

სასამართლო დოკუმენტების თანახმად, ტრამპის საერთაშორისო გოლფის კლუბში მომხდარ ინციდენტთან დაკავშირებით დაკავებულმა პირმა დატოვა წერილი, სადაც ყოფილი პრეზიდენტის მკვლელობის შესახებ წერდა.

შეგახსენებთ, აშშ-ის შტატ ფლორიდაში, საერთაშორისო გოლფის კლუბში, სადაც ამერიკის შეერთებული შტატების ყოფილი პრეზიდენტი და "რესპუბლიკური პარტიის" პრეზიდენტობის კანდიდატი დონალდ ტრამპი თამაშობდა, სროლა მიმდინარე წლის 16 სექტემბერს მოხდა.

ავტორი: ექსპრესნიუსი,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს