|
2024-09-24 14:25:41, 509 ნახვა
ეკონომიკა
ქვრივიშვილი - მსოფლიო ტურიზმის დღის აღსანიშნავად საქართველოს ძალიან მაღალი რანგის დელეგაციები, ტურიზმისა და ტრანსპორტის სექტორის წამყვანი ლიდერები ეწვევიან
საქართველო პირველად მსოფლიო ტურიზმის დღის მასპინძელი ქვეყანაა - 27 სექტემბერს თბილისში გაეროს ტურიზმის ორგანიზაციის ეგიდით, მსოფლიო ტურიზმის დღის აღსანიშნავი ღონისძიება გაიმართება. ეკონომიკისა და მდგრადი განვითარების მინისტრის მოადგილის, მარიამ ქვრივიშვილის ინფორმაციით, მსოფლიო ტურიზმის დღისადმი მიძღვნილ ღონისძიებებში მონაწილეობის მისაღებად საქართველოს გაეროს მსოფლიო ტურიზმის ორგანიზაციის აღმასრულებელი მდივანი ზურაბ პოლოლიკაშვილი და სხვა მაღალი რანგის სტუმრები ეწვევიან. მისი შეფასებით, მნიშვნელოვანია, რომ საქართველო გლობალური ტურიზმის ყურადღების ცენტრში იქნება. „ღონისძიების ფარგლებში საქართველოში ძალიან მაღალი რანგის დელეგაციები ჩამოვლენ, 25 მინისტრი სხვადასხვა ქვეყნიდან, წამყვანი ლიდერები ტურიზმისა და ტრანსპორტის სექტორში, ისევე როგორც მედიის წარმომადგენლები. ფაქტობრივად, სამი დღის განმავლობაში საქართველო მოექცევა როგორც საერთაშორისო ტურიზმის ინდუსტრიის, ისე მედიის ყურადღების ცენტრში", - განაცხადა მარიამ ქვრივიშვილმა. მსოფლიო ტურიზმის დღის წლევანდელი თემა „ტურიზმი და მშვიდობაა". ღონისძიების ფარგლებში გაიმართება სამი სადისკუსიო პანელი, სადაც განხილული იქნება ტურიზმის განვითარების მსოფლიო ტენდენციები და ტრენდები, მშვიდობის მნიშვნელობა ინდუსტრიის განვითარების კუთხით და ამ მიმართულებით ქვეყნებს შორის თანამშრომლობის საკითხები. როგორც მარიამ ქვრივიშვილი აღნიშნავს, საქართველოში ამ მასშტაბის წარმომადგენლობითი ღონისძიების გამართვა მნიშვნელოვანად შეუწყობს ხელს ჩვენი ქვეყნის ტურისტული ცნობადობის კიდევ უფრო ამაღლებას საერთაშორისო არენაზე. მსოფლიო ტურიზმის დღის 2024 წელს საქართველოში ჩატარებას გაეროს მსოფლიო ტურიზმის ორგანიზაციის ევროპის კომისიის 38-მა წევრმა ქვეყანამ 2023 წლის გაზაფხულზე ერთხმად დაუჭირა მხარი. მსოფლიო ტურიზმის დღეს გაეროს მსოფლიო ტურიზმის ორგანიზაცია (UN Tourism) 1979 წლიდან, ყოველი წლის 27 სექტემბერს აღნიშნავს. ინფორმაციას ეკონომიკის სამინისტრო ავრცელებს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



