2024-09-23 16:32:05, 419 ნახვა

---

BBC - ლიბანის ჯანდაცვის სამინისტროს ბოლო მონაცემებით, ისრაელის მიერ განხორციელებული იერიშის შედეგად, სულ მცირე, 100 ადამიანი დაიღუპა

ლიბანში ისრაელის მიერ განხორციელებული იერიშის შედეგად, სულ მცირე, 100 ადამიანი დაიღუპა. ამის შესახებ ინფორმაციას BBC ლიბანის ჯანდაცვის სამინისტროზე დაყრდნობით ავრცელებს.

უწყების ცნობით, ამ დროისთვის 400-ზე მეტი პირია დაჭრილი.

ლიბანის ჯანდაცვის სამინისტრომ ქვეყნის სამხრეთით მდებარე ყველა საავადმყოფოს მოუწოდა, გააუქმოს გეგმური ოპერაციები. ჯანდაცვის სამინისტრო მოუწოდებს ექიმებს, მოემზადონ დაჭრილების მისაღებად. განათლების სამინისტროს ინფორმაციით კი, ქვეყნის სამხრეთით დახურულია სკოლები.

პარალელურად, ისრაელელი სამხედროები ავრცელებენ ინფორმაციას, რომლის მიხედვითაც, ლიბანში იერიში "ჰეზბოლას" 300-ზე მეტ ობიექტზე მიიტანეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი