|
2024-09-17 15:21:13, 468 ნახვა
ეკონომიკა
დავითაშვილი - ჩვენი საერთო ამოცანაა, არსებული 9.7%-იანი ეკონომიკური ზრდა შევინარჩუნოთ
ეკონომიკური ზრდის ტენდენციებს რაც შეეხება - ჩვენი საერთო ამოცანაა, შევინარჩუნოთ არსებული 9.7%-იანი ეკონომიკური ზრდა, რადგან ის სიკეთეები, რომლებიც ყველას გვინდა, რომ ქვეყანაში გვქონდეს, პირდაპირაა დაკავშირებული ეკონომიკურ პროგრესთან. ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა დღეს გამართულ კონფერენციაზე “როგორ შევინარჩუნოთ ეკონომიკური ზრდის მაღალი ტემპები“ განაცხდა. კონფერენცია საქართველოს ბიზნეს ასოციაციის ორგანიზებით ჩატარდა და პრემიერ-მინისტრის, ირაკლი კობახიძის მისასალმებელი სიტყვით გაიხსნა. ღონისძიებაში მთავრობის ეკონომიკური გუნდის და ბიზნესსექტორის წარმომადგენლებმა მიიღეს მონაწილეობა. გაიმართა პანელური დისკუსია, სადაც ერთ-ერთი მთავარი მომხსენებელი ეკონომიკის მინისტრი იყო. ლევან დავითაშვილმა ქვეყნის ეკონომიკის განვითარების პროცესში ბიზნესთან უშუალო კომუნიკაციის მნიშვნელობაზე ისაუბრა. როგორც მან აღნიშნა, ყოველთვის ძალიან სასარგებლოა ბიზნესთან დიალოგი, რათა მთავრობის ეკონომიკურ პოლიტიკასთან დაკავშირებული გადაწყვეტილებები სინქრონში იყოს და იაზრებდეს ბიზნესის საჭიროებებს. მისი შეფასებით, ბოლო წლებში ეს დიალოგი განსაკუთრებით ნაყოფიერია, რაც ეკონომიკურ შედეგებშიც აისახა. ამასთან, ეკონომიკის მინისტრმა პანელური დისკუსიის მიმდინარეობისას დეტალურად ისაუბრა ეკონომიკური პოლიტიკის მთავარ აქცენტებზე, ეკონომიკური ზრდის არსებულ ტენდენციებსა და მისი კონკურენტუნარიანობის გაუმჯობესებისკენ მიმართულ შემდგომ ნაბიჯებზე. “რაც შეეხება ეკონომიკური პროგრესის შენარჩუნებას, ჩვენ ძალიან გამჭვირვალე ეკონომიკური პოლიტიკა გვაქვს. მომავალ წლებში გვექნება მაღალი კაპიტალური დანახარჯები ჩვენს მთლიან შიდა პროდუქტთან მიმართებაში, შევინარჩუნებთ კაპიტალური ხარჯების ერთ-ერთ ყველაზე მაღალ, 8%-იან ნიშნულს, ეს ეკონომიკური ზრდის ერთ-ერთი წყაროა და ჩვენი მოკლევადიანი ეკონომიკური ზრდის ერთ-ერთი ინსტრუმენტი იქნება. ამ მხრივ, ცალსახად მნიშვნელოვანია, რომ კაპიტალური დანახარჯები ეკონომიკის კონკურენტუნარიანობის გაუმჯობესებისკენ იყოს მიმართული. ჩვენ დავინახეთ, თუ რით იყო განპირობებული ბოლო პერიოდში ეკონომიკური ზრდა, გვაქვს მაღალი ეკონომიკური ზრდა და დაბალი ინფლაცია, ანუ ჩვენს ეკონომიკაში არის გარკვეული სტრუქტურული გაუმჯობესების და პროდუქტიულობის გაზრდის ნიშნები", - აღნიშნა დავითაშვილმა. მინისტრმა ეკონომიკური ზრდის არსებული დინამიკის შესანარჩუნებლად მიმართულ ღონისძიებებთან დაკავშირებითაც ისაუბრა. მისი ინფორმაციით, ძირითადი აქცენტი ეკონომიკის სტრუქტურული გაუმჯობესებისკენ იქნება მიმართული - ეკონომიკის სტრუქტურა უფრო მეტად უნდა იყოს კონკურენტუნარიანი და შემდგომ ზრდაზე ორიენტირებული. “ასევე, რა თქმა უნდა, უფრო გრძელვადიან პერიოდში ჩვენ აქცენტს გავაკეთებთ პროდუქტიულობის ზრდაზე, ტექნოლოგიებზე, ინოვაციებზე, ასევე ინფრასტრუქტურულ პროექტებზე", - აღნიშნა ლევან დავითაშვილმა. ინფორმაციას ეკონომიკის სამინისტრო ავრცელებს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



