ამერიკის შეერთებული შტატების სახელმწიფო მდივანმა, ენტონი ბლინკენმა სატელეფონო საუბარი გამართა სომხეთის პრემიერ-მინისტრთან, ნიკოლ ფაშინიანთან, რომლის დროსაც ორ ქვეყანას შორის ურთიერთობების გაღრმავების საკითხი განიხილეს. ამის შესახებ ინფორმაციას აშშ-ის სახელმწიფო დეპარტამენტი ავრცელებს.

როგორც სახელმწიფო დეპარტამენტის პრესრელიზშია აღნიშნული, საუბრის დროს ბლინკენმა დაადასტურა სომხეთსა და აზერბაიჯანს შორის გრძელვადიანი და ღირსეული მშვიდობის მნიშვნელობა.

"ბლინკენმა და ფაშინიანმა განიხილეს აშშ-სა და სომხეთს შორის ურთიერთობების გაფართოება, მათ შორის თანამშრომლობა ენერგეტიკის, ვაჭრობისა და ინვესტიციების, ასევე განათლების სფეროებში. სახელმწიფო მდივანმა დაადასტურა, რომ შეერთებული შტატების ერთგულება მიმდინარე ძალისხმევისადმი, რომელიც მხარს უჭერს აყვავებულ, დემოკრატიულ და დამოუკიდებელ სომხეთს, რაც სასარგებლოა სომეხი ხალხისა და უფრო ფართო კავკასიის რეგიონისთვის", - ნათქვამია პრესრელიზში.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა