2024-09-14 10:53:04, 463 ნახვა
მსოფლიო
Reuters - რუსეთი შორ მანძილზე მოიერიშე უპილოტო საფრენ აპარატებს ჩინური ძრავებით ამზადებს
რუსეთი შორ მანძილზე მოიერიშე უპილოტო საფრენ აპარატებს ჩინური ძრავებით ამზადებს. ამის შესახებ ინფორმაციას Reuters-ი ევროპულ სადაზვერვო მასალებზე დაყრდნობით ავრცელებს.
მედიის ცნობით, აღნიშნულ უპილოტო თვითმფრინავებს სახელწოდებით, "გარპია-ეი1" რუსეთი გასული წლიდან აწარმოებს და უკრაინის წინააღმდეგ ომში იყენებს.
"ჩინური ძრავებით და ნაწილებით რუსეთმა 2023 წლის ივლისიდან 2024 წლის ივლისამდე 2 500-ზე მეტი უპილოტო თვითმფრინავი აწარმოა. აღნიშნული უპილოტო აპარატების გამოყენებამ უკრაინაში სამოქალაქო პირების მსხვერპლი გამოიწვია და კრიტიკული მნიშვნელობის ინფრასტრუქტურა გაანადგურა", - აღნიშნულია სადაზვერვო მასალებში.
ავტორი: ექსპრესნიუსი,
epn.ge (@expressnews.ge)
