2024-09-10 20:04:00, 455 ნახვა
მსოფლიო
შმიგალი - უკრაინა ევროკავშირში გაწევრიანებისთვის 2025 წლის ბოლოსთვის მზად უნდა იყოს
უკრაინა ევროკავშირში გაწევრიანებისთვის 2025 წლის ბოლოსთვის მზად უნდა იყოს, - ამის შესახებ უკრაინის პრემიერ-მინისტრმა, დენის შმიგალმა განაცხადა.
როგორც შმიგალმა აღნიშნა, უკრაინის ევროკავშირში გაწევრიანება უნდა იყოს სამართლიანი მშვიდობის განუყოფელი ნაწილი.
"ჩვენი მიზანი ამბიციურია - გვინდა ვიყოთ მზად ევროკავშირში გაწევრიანებისთვის არაუგვიანეს 2025 წლის ბოლომდე, მაგრამ ზოგადად, სტრატეგიულად, გვესმის, რომ ევროკავშირში ჩვენი გაწევრიანება უნდა იყოს სამართლიანი მშვიდობის განუყოფელი ნაწილი. ეს არის ჩვენი სტრატეგიული მიზანი", - განაცხადა დენის შმიგალმა.
ავტორი: ექსპრესნიუსი,
epn.ge (@expressnews.ge)
