|
2024-08-30 19:36:00, 664 ნახვა
ეკონომიკა
ირაკლი ნადარეიშვილი - ივლისის თვე მთელი რიგი ეკონომიკური მაჩვენებლების თვალსაზრისით, რეკორდულია - ეკონომიკურმა ზრდამ 13%-ს მიაღწია
თამამად შეიძლება ითქვას, რომ ივლისის თვე მთელი რიგი ეკონომიკური მაჩვენებლების თვალსაზრისით, რეკორდულია. პირველ რიგში, ეს შეეხება ეკონომიკურ ზრდას, რომელმაც, 13% შეადგინა და ჯამურად იანვარ-ივლისის პერიოდში 9.7%-იანი ეკონომიკური ზრდა ფიქსირდება, რაც ისევ გვაახლოებს ორნიშნა მაჩვენებელს, - ასე აფასებს ეკონომიკისა და მდგრადი განვითარების მინისტრის მოადგილე ირაკლი ნადარეიშვილი ეკონომიკური ზრდის მიმდინარე ტენდენციებს. როგორც მინისტრის მოადგილე აღნიშნავს, მნიშვნელოვანია, რომ ივლისის თვეში, წინასწარი შეფასებით, ასევე მკვეთრადაა გაზრდილი დღგ-ის გადამხდელ საწარმოთა ბრუნვა წინა წლის იმავე პერიოდთან შედარებით - დაახლოებით 20%-ის ოდენობით. ამასთან, ახლად დარეგისტრირებულ საწარმოთა რაოდენობა 6,344 ერთეულს გაუტოლდა, რაც წინა წლის ივლისის ანალოგიურ მაჩვენებელს 10.1 პროცენტით აღემატება. ირაკლი ნადარეიშვილის ინფორმაციით, 2024 წლის ივლისში ეკონომიკურ ზრდაში ტრადიციულად მნიშვნელოვანი პოზიტიური წვლილი შეიტანა შემდეგმა დარგებმა: მშენებლობის, დამამუშავებელი მრეწველობის, ინფორმაციისა და ტექნოლოგიების, ასევე ვაჭრობის და ტურიზმის სექტორებმა. ამასთან, ივლისში ექსპორტი ასევე რეკორდულად, 29.9%-ით გაიზარდა და 684.6 მლნ. აშშ დოლარი შეადგინა, ადგილობრივი ექსპორტის ზრდამ კი წინა წლის ივლისთან შედარებით 17.8% და შესაბამისად, 293.3 მლნ. აშშ. დოლარი შეადგინა. რაც შეეხება ტურიზმის სექტორს, მიმდინარე წლის მეორე კვარტალში ტურიზმიდან მიღებული შემოსავლები 8.1%-ით გაიზარდა და 1.1 მილიარდი აშშ. დოლარი შეადგინა. ჯამურად იანვარ-ივნისში ტურიზმიდან მიღებული შემოსავლები 1.9 მილიარდ აშშ. დოლარს გაუტოლდა, რაც წინა წლის ანალოგიური პერიოდის მაჩვენებელს 5.2%-ით აღემატება. „აღნიშნული შედეგები და ზოგადად, ის ეკონომიკური დინამიკა, რომელიც ქვეყანაში მთელი წლის განმავლობაში ფიქსირდება, რა თქმა უნდა, ნათლად მიანიშნებს და ხაზს უსვამს თანმიმდევრულ ეკონომიკურ პოლიტიკას და იმ რეფორმებს, რომელსაც საქართველოს სახელმწიფო ახორციელებს მთელი რიგი ეკონომიკური მიმართულებებით", - აცხადებს ეკონომიკის მინისტრის მოადგილე.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



