|
2016-02-19 15:45:11, 777 ნახვა
ეკონომიკა
დიმიტრი ქუმსიშვილი: ყაზახური ინვესტიციები საქართველოში რჩება, მათ წასვლაზე არც კი უფიქრიათ
პირველი უმთავრესი მესიჯი, რაც მივიღეთ იყო ის, რომ ყაზახეთი საქართველოში რჩება და მათ არც უფიქრიათ იმაზე, რომ საქართველოდან გავიდნენ, - ამის შესახებ, ვიცი პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ჟურნალისტებს მთავრობის სხდომის დასრულების შემდეგ განუცხადა. მინისტრმა ყაზახეთის დელეგაციის ვიზიტის შესახებ ისაუბრა, რომელსაც ყაზახეთის ვიცე პრემიერი ხელმძღვანელობდა და აღნიშნა, რომ 2 დღის განმავლობაში მოლაპარაკებების ძალიან ინტენსიური პროცესი ყაზახ კოლეგებთან ჰქონდათ. "პირველი უმთავრესი მესიჯი, რაც ჩვენ მათგან მივიღეთ იყო ის, რომ ყაზახეთი საქართველოში რჩება და მათ არც აქვთ ნაფიქრი იმაზე, რომ საქართველოდან გავიდნენ. ეს იყო ძალიან მნიშვნელოვანი. ჩვენ შეხვედრები დავიწყეთ ბათუმში. სამწუხაროდ, ჩვენც კი შეცდომაში ვიყავით შეყვანილები იმ განცხადებებით, რაც ვრცელდებოდა", - განაცხადა ქუმსიშვილმა. ქუმსიშვილის თქმით, ყაზახეთის ვიცე პრემიერმა ერთმნიშვნელოვნად დაადასტურა, რომ ყაზახები ბათუმის პორტსა და ნავთობტერმინალში რჩებიან, მათთვის ეს არის კარგი ინვესტიციები, საიდანაც დივიდენდებსაც იღებენ და შესაბამისად, ტექნოლოგიური განახლება და გაუმჯობესება აუცილებლად იქნება. ეკონომიკისა და მდგრადი განვითარების მინისტრის განცხადებით, ყაზახებთან თბილისში განხორციელებულ ინვესტიციებზეც ისაუბრეს. "თბილისში განხორციელებულ ინვესტიციებთან დაკავშირებით მე არ მინდა წინა ხელისუფლებას შევეხო, ან დღევანდელ ხელისუფლებას, იყო თუ არა ეს წართმეული. მე არ ვთვლი, რომ ეს ასეა. თავის დროზე გადაწყვეტილებები იყო მიღებული იმიტომ, რომ ჩვენი მოსახლეობა გაზით ყოფილიყო მომარაგებული და ჩვენ ერთმნიშვნელოვნად დავუფიქსირეთ მათ, რომ ჩვენთვის სასურველია, რომ ყაზახები მენეჯმეტში დაბრუნდნენ. მენეჯმენტში დაბრუნებას, რა თქმა უნდა, ინვესტიციების განხორციელება სჭირდება, რადგან დღეს ქსელი ამ ინვესტიციებს საჭიროებს და მათ უნდა ჰქონდეთ აღნიშნული საკითხი გათავისებული", - განაცხადა ქუმსიშვილმა. როგორც ქუმსიშვილმა აღნიშნა, ყაზახებთან ღია მოლაპარაკებები მიმდინარეობს. "ჩვენ ვეუბნებით, რომ დაბრუნდით, თუ თქვენ გაქვთ შეგრძნება, რომ ეს არის ყაზახური ინვესტიციები, ჩვენ ამას ვადასტურებთ და ჩვენ გვინდა, რომ თქვენ მოხვიდეთ და ამ კომპანიას შესაბამისი მენეჯმენტი გაუწიოთ", - განაცხადა ქუმსიშვილმა. რამდენიმე თვის წინ გავრცელდა ინფორმაცია, რომლის თანახმადაც კომპანია "ყაზტრანსგაზმა" შესაძლოა, ქართულ მხარეს ინვესტიციების დაბრუნება მოსთხოვოს, კომპანია "ყაზტრანსგაზი" აპროტესტებს 2009 წელს "ყაზტრანსგაზ თბილისში" სპეციალური მმართველის დანიშვნას და მიაჩნიათ, რომ ამით დაირღვა "ყაზტრანსგაზის", როგორც უცხოელი ინვესტორის უფლებები, რადგან დანიშვნის შემდეგ კომპანია "ყაზტრანსგაზ თბილისის" საქმიანობაში ყახაზური მხარე ფაქტობრივად ვეღარ მონაწილეობს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



