2024-08-27 09:27:02, 656 ნახვა
ომი უკრაინაში
ბორელი - უკრაინას ახლა საჰაერო თავდაცვა სჭირდება - მე განვიხილავ ამას
უკრაინას ახლა საჰაერო თავდაცვა სჭირდება... მე განვიხილავ ამას, - ამის შესახებ ევროკავშირის უმაღლესმა წარმომადგენელმა, ჯოზეფ ბორელმა რუსეთის უკრაინაზე ფართომასშტაბიან საჰაერო შეტევასთან დაკავშირებით სოციალურ ქსელში დაწერა.
როგორც ბორელი წერს, რუსეთმა უკრაინის წინააღმდეგ მასიური თავდასხმებით აგრესია გააძლიერა
"რუსეთმა უკრაინის წინააღმდეგ აგრესია მასიური თავდასხმებით გააძლიერა, მან შეუტია სამოქალაქო ინფრასტრუქტურას, მათ შორის ჰიდროელექტროსადგურებს და გამოიწვია მსხვერპლი. უკრაინას ახლა საჰაერო თავდაცვა სჭირდება. მე განვიხილავ ამას ხუთშაბათს ევროკავშირის საგარეო საქმეთა მინისტრების არაფორმალურ შეხვედრაზე", - წერს ბორელი.
ავტორი: ექსპრესნიუსი,
epn.ge (@expressnews.ge)
