რუსეთის პრეზიდენტი ვლადიმერ პუტინი ჩრდილოეთ ოსეთის შემდეგ, მოულოდნელი ვიზიტით ჩეჩნეთში ჩავიდა, სადაც რესპუბლიკის ლიდერს, რამზან კადიროვს შეხვდა. ამის შესახებ ინფორმაციას reuters-ი ავრცელებს.

reuters-ის ცნობით, პუტინი კადიროვთან ერთად  სპეცრაზმის მომზადების რუსულ უნივერსიტეტს ეწვია, სადაც უკრაინის წინააღმდეგ ომში საბრძოლველად ძალებს ამზადებენ.

“თქვენთვის რთულ გადაწყვეტილებას იღებთ. ერთი საქმეა აქ, ტირში სროლა, მეორე კი - საკუთარი სიცოცხლის და ჯანმრთელობის საფრთხეში ჩაგდება, თუმცა თქვენ გაქვთ შიდა მოთხოვნილება, დაიცვათ საკუთარი მამული“,-  მიმართა პუტინმა სასწავლებელში გამართული შეხვედრის მონაწილეებს.

პუტინთან შეხვედრისას ჩეჩნეთის ლიდერმა, რამზან კადიროვმა განაცხადა, რომ ჩეჩნეთმა უკრაინაში ომის დაწყებიდან ფრონტის ზონაში 47 ათასზე მეტი მებრძოლი გაგზავნა, მათ შორის 19 ათასი მოხალისე - ყველა მათგანმა მომზადება  სპეცრაზმის უნივერსიტეტში გაიარა.

ამასთან, კადიროვის მტკიცებით, ჩეჩნეთს შექმნილი აქვს ათობით ათასი გაწვრთნილი და აღჭურვილი მებრძოლისგან შემდგარი რეზერვი, რომელიც მზად არის “სპეციალური სამხედრო ოპერაციის“ ზონაში გაემართოს.

ავტორი: ექსპრესნიუსი,

სოციალური ქსელები

ზაპოროჟიეში დამპყრობლებმა სავაჭრო ცენტრებსა და მაღალსართულიან შენობებს შეუტიეს, 5 ადამიანი დაშავდა

მოდელი პრესლი გერბერი, სუპერმოდელ სინდი კროუფორდის ვაჟი 27 წლის ასაკში გარდაიცვალა - Rolling Stone

სახელმწიფო დუმის არჩევნები: წინასწარი შედეგები და პარტიის ლიდერების პირველადი რეაქციები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო