ამერიკის შეერთებული შტატების ყოფილი პრეზიდენტი, რესპუბლიკური პარტიის პრეზიდენტობის კანდიდატი დონალდ ტრამპი აცხადებს, რომ არჩევნებში გამარჯვების შემთხვევაში მზად არის, ილონ მასკს თავის ადმინისტრაციაში თანამდებობა ან მრჩევლის როლი შესთავაზოს. ამის შესახებ ტრამპმა Reuters-თან ინტერვიუში განაცხადა.

ტრამპის თქმით, “მასკი ძალიან ჭკვიანია. წინა დღით მასთან შესანიშნავი საუბარი მქონდა და როგორც იცით, ის თითქმის ორ-ნახევარი საათი გაგრძელდა. ის ძალიან, ძალიან ჭკვიანი ბიჭია. თუ სურვილი ექნება, ნამდვილად შევთავაზებ, ის ბრწყინვალე ბიჭია“.

მოგვიანებით ილონ მასკმა თავის სოციალურ ქსელ X-ში დაწერა, რომ მზად არის, ტრამპის ადმინისტრაციაში იმსახუროს.

ამავე ინტერვიუში დონალდ ტრამპმა განაცხადა, რომ განიხილავს ელექტრომობილების შეძენაზე საგადასახადო შეღავათების დაწესებას. მან აგრეთვე განაცხადა, რომ განიხილავს ელექტრომობილების შეძენაზე საგადასახადო შეღავათების დაწესებას.

“ელექტრომანქანების დიდი თაყვანისმცემელი ვარ, თუმცა ეს უნდა იყოს უფრო პატარა, ბევრად პატარა ბაზარი. ისინი საკმარისად შორს ვერ დადიან და ძალიან ძვირია“,- აღნიშნა აშშ-ს ყოფილმა პრეზიდენტმა.

ავტორი: ექსპრესნიუსი,

სოციალური ქსელები

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა