2024-07-25 15:47:38, 433 ნახვა
მსოფლიო
ჯორჯია მელონი ჩინეთს ეწვევა
იტალიის პრემიერ-მინისტრი ჯორჯია მელონი მიმდინარე კვირაში ჩინეთის სახალხო რესპუბლიკას ეწვევა. ამის შესახებ ინფორმაციას Reuters-ი ავრცელებს.
სააგენტოს ცნობით, მელონის ვიზიტი 26 ივლისს დაიწყება და 31-ში დასრულდება.
როგორც Reuters-ი წერს, იტალიის პრემიერ-მინისტრის ვიზიტის მიზანი ჩინეთთან სავაჭრო ურთიერთობების გაუმჯობესებაა.
ჩინეთში სტუმრობისას მელონი, სავარაუდოდ, სახალხო რესპუბლიკის პრეზიდენტ სი ძინპინსა და პრემიერ-მინისტრ ლი ციანს შეხვდება.
ცნობისთვის, ეს ჯორჯია მელონის პირველი ვიზიტი იქნება ჩინეთში მას შემდეგ, რაც ის იტალიის პრემიერ-მინისტრი გახდა.
ავტორი: ექსპრესნიუსი,
epn.ge (@expressnews.ge)
