თბილისის საქალაქო სასამართლომ, ავტომობილის მოძრაობის უსაფრთხოების წესის დარღვევის ფაქტზე, რამაც ადამიანის სიცოცხლის მოსპობა გამოიწვია, დაკავებულ შინაგან საქმეთა სამინისტროს საპატრულო პოლიციის დეპარტამენტის თანამშრომელს აღკვეთის ღონისძიების სახით პატიმრობა შეუფარდა.

მოსამართლე ნატო ხუჯაძის გადაწყვეტილება ცნობილი ცოტა ხნის წინ გახდა.

დაცვის მხარე აღკვეთის ღონისძიების სახით გირაოს გამოყენებას ითხოვდა, რაც მოსამართლემ არ დააკმაყოფილა.

შეგახსენებთ, თბილისში, ყაზბეგის გამზირზე ავტოავარია, რასაც ერთი ადამიანის სიცოცხლე ემსხვერპლა, 19 ივლისს მოხდა. 

პროკურატურის ოფიციალური ინფორმაციით, "19 ივლისს, დაახლოებით, 04:35 საათზე, თბილისში, რ.დ. მისი მართვის ქვეშ მყოფი მოტოციკლით გადაჭარბებული სიჩქარით გადაადგილდებოდა, შინაგან საქმეთა სამინისტროს საპატრულო პოლიციის დეპარტამენტის თანამშრომლებმა მოსთხოვეს გაჩერება, რასაც იგი არ დაემორჩილა და განაგრძო მოძრაობა ალექსანდრე ყაზბეგის გამზირის მიმართულებით, რა დროსაც შეეჯახა საგზაო მოძრაობის წესების დარღვევით მოძრავ საპატრულო პოლიციის დეპარტამენტის თანამშრომლის მართვის ქვეშ მყოფ ავტომობილს". 

დაკავებულს ბრალდება საქართველოს სისხლის სამართლის კოდექსის 276-ე მუხლის მე-6 ნაწილით წარედგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ზელენსკის თქმით, უკრაინელმა როსტოვში აეროდრომზე 3 თვითმფრინავი და 3 ვერტმფრენი გაანადგურეს

ქართული ოცნება გრანტების მართვის სააგენტოს ხურავს

Visa იმსახურებს ჩემპიონს — საქართველოს ბანკის კამპანიას გლობალური ლიდერი შეუერთდა

კობახიძე: ყველამ უნდა შეიგნოს, რომ კორუფცია არის ძალიან ცუდი