ჭიდაობის ეროვნულ ფედერაციაში მოჭიდავეების დოპინგ სკანდალზე მსჯელობენ. ფედერაციაში აცხადებენ, რომ მოისმენენ სპორტსმენთა ახსნა-განმარტებას, თუ როგორ მოხვდა მათ სისხლში მელდრონიუმის ჯგუფის მედიკამენტი.

თუმცა, უკვე ცნობილია, რომ დისციპლინარული სანქციები სპორტსმენებს დღეს არ დაეკისრებათ. ფედერაციაში საერთაშორისო ანტისადოპინგო სააგენტოს საბოლოო დასკვნას დაელოდებიან. 

მოჭიდავეები თბილისში გუშინ დაბრუნდნენ. თუმცა, ჟურნალისტებთან საუბარი არ ისურვეს.

შეგახსენებთ, „ექსპრესნიუსს“ ფედერაციის კონფიდენციალურმა წყარომ აცნობა,  სპორტსმენებმა არ იცოდნენ, რომ პრეპარატის მიღება უკვე ორი წელია აკრძალულია. მათ ჰქონდათ ინფორმაცია, რომ პრეპარატის მიღება 2016 წლიდან უნდა აკრძალულიყო და სპორტსმენები შეცდომაში ფედერაციის წარმომადგენლებმა შეგნებულად შეიყვანეს. ამასთან წყარომ იმ ექვსი სპორტსმენის გვარებიც გაგვიმხილა, რომელთაც დოპინგი უკვე დაუდგინდათ:

ესენი არიან: თავისუფალი ჭიდაობიდან: ბუჯიაშვილს, ლომთაძეს, კენჭაძეს, მეშვილდიშვილსა და მოძმანაშვილს. ხოლო ბერძნულ რომაული ჭიდაობიდან - მათე სოფაძეს.

ფედერაციის წყააროს ცნობით, დოპინგი იმ ოთხი მოჭიდავის ორგანიზმშიც აღმოჩნდა, რომელთა ანალიზიც გერმანიაშია გაგზავნილი და ოფიციალური შეტყობინება ფედერაციას ჯერ მისვლია, თუმცა ინფორმაცია ლააბორატორიიდან უკვე აცნობეს, თუმცა მათი ვინაობა უცნობია, ვინაიდან ვინაიდან ანალიზები დანომრილია და ასეა გაგზავნილი გერმანიის ლაბორატორიაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენტაგონი: ირანთან ომი აშშ-ს უკვე 45.1 მილიარდი დოლარი დაუჯდა

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა