უკრაინის პრეზიდენტმა, ვოლოდიმირ ზელენსკიმ და პოლონეთის პრემიერ-მინისტრმა, დონალდ ტუსკმა ვარშავაში უსაფრთხოების შეთანხმებას მოაწერეს ხელი. ამის შესახებ ინფორმაციას უკრაინული მედია ავრცელებს.

მედიის ცნობით, უკრაინა და პოლონეთი პოლიტიკური, სამხედრო და ეკონომიკური თანამშრომლობის განვითარებაზე შეთანხმდნენ.

როგორც მედია წერს, ქვეყნებმა ასევე, პირობა დადეს, რომ "მჭიდროდ ითანამშრომლონ უკრაინის, როგორც სუვერენული და დემოკრატიული სახელმწიფოს აღდგენის საქმეში".

შეთანხმებაში ხაზგასმულია, რომ პოლონეთი იყო პირველი ქვეყანა, რომელმაც 1991 წლის 2 დეკემბერს, საბჭოთა კავშირისგან უკრაინის დამოუკიდებლობა აღიარა. 

აღსანიშნავია, რომ პოლონეთი დიდი შვიდეულის (G7) ქვეყნებიდან ბოლოა, რომელმაც უკრაინასთან უსაფრთხოების შეთანხმებას, 2023 წლის ივლისში დადებული პირობის საფუძველზე, ხელი მოაწერა.

ცნობისთვის, უკრაინის პრეზიდენტი ვოლოდიმირ ზელენსკი პოლონეთს დღეს, 8 ივლისს ესტუმრა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება