|
2016-02-16 16:40:01, 741 ნახვა
ეკონომიკა
“თიბისი ბანკი” სასტუმროებს ონლაინ გადახდების სისტემას სთავაზობს
“თიბისი ბანკის” მხარდაჭერით, საქართველოში მოქმედი სასტუმროები (ბრენდირებული და საოჯახო სასტუმროების გარდა) საკუთარი მომხმარებლისთვის ვებ-გვერდის, ონლაინ დაჯავშნისა და ონლაინ გადახდის სერვისის შეთავაზებას შეძლებენ. სასტუმროები, რომლებიც პროექტში ჩაერთვებიან, მზა ონლაინ ვებ-გვერდით ისარგებლებენ. ეს კი იმას ნიშნავს, რომ ქართველი და უცხოელი ტურისტები სასტუმროს შესახებ ინფორმაციის მიღებას, ოთახის დაჯავშნასა და საფასურის გადახდას უკვე ონლაინ, კონკრეტული სასტუმროს ვებ-გვერდის საშუალებით შეძლებენ. მომხმარებელს საფასურის გადახდა ნებისმიერი ტიპის ბარათით შეეძლებათ, ონლაინ გადახდების სისტემას თიბისი ბანკი უზრუნველყოფს. პროგრამა სიახლეა საქართველოს ბაზარზე და ის მიზნად ისახავს, ტურისტული ბიზნესის განვითარების ხელშეწყობას. პროექტს კომპანია „პროსერვისი" თიბისი ბანკისა და საქართველოს ტურიზმის ეროვნული ადმინისტრაციის მხარდაჭერით ახორციელებს. ახალი ონლაინპროგრამის - „სასტუმროების მართვისა და ონლაინ დაჯავშნის სისტემების" პრეზენტაცია თიბისი ბანკის სათავო ოფისში გაიმართა და მას საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი, საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე, თიბისი ბანკის გენერალური დირექტორი ვახტანგ ბუცხრიკიძე და საქართველოში მოქმედი სასტუმროების წარმომადგენლები დაესწრნენ. "სასტუმროების მართვისა და ონლაინ დაჯავშნის სისტემის" ინტერგრაცია უკვე დაწყებულია და ის ეტაპობრივად მიმდინარეობს. პროგრამის ფარგლებში, „პროსერვისის" ტექნოლოგიების ექსპერტები თბილისსა და საქართველოს სხვა ქალაქებში დაინტერესებული პირებისთვის ტრენინგებს უსასყიდლოდ ჩაატარებენ .
(R)
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



