დერბენტში უცნობმა პირებმა სინაგოგასა და ეკლესიას ცეცხლი გაუხსნეს ავტომატური იარაღიდან. ამის შესახებ TASS დაღესტნის შინაგან საქმეთა სამინისტროზე დაყრდნობით იუწყება. თავდასხმის შემდეგ სინაგოგაში ხანძარი გაჩნდა.

წინასწარი ინფორმაციით, ერთი პოლიციელი დაიღუპა, ერთი კი დაიჭრა. თავდამსხმელთა ვინაობა ჯერ დადგენილი არ არის, ისინი მანქანით გაიქცნენ.
პარალელურად, მახაჩკალაში უცნობი პირები თავს დაესხნენ საგზაო პოლიციის პოსტს, რის შედეგადაც ერთი პოლიციელი დაიღუპა და ექვსი დაშავდა.

ტელეგრამის 112-ე არხის წყაროს ცნობით, დერბენტსა და მახაჩკალაში თავდასხმების შედეგად სულ ხუთი პოლიციელი დაიღუპა და 9 დაშავდა. ამ ინფორმაციის ოფიციალური დადასტურება არ არსებობს.

დაღესტნის საზოგადოებრივი მონიტორინგის კომისიის თავმჯდომარემ შამილ ხადულაევმა განაცხადა, რომ დერბენტში მღვდელი მოკლეს, ეკლესიის დაცვის თანამშრომელიც დაიღუპა.

„ჩემთვის მიღებული ინფორმაციით, მამა ნიკოლაი დერბენტის ეკლესიაში მოკლეს და ყელი გამოჭრეს. ის 66 წლის იყო და მძიმედ ავად იყო. მახაჩკალა-1-ის ტაძარში დაცვის თანამშრომელი მიხეილი, რომელიც მხოლოდ გაზის პისტოლეტით იყო შეიარაღებული, ესროლეს. მღვდლები ჩაკეტილები არიან ეკლესიაში და დახმარებას ელოდებიან“, - ნათქვამია პოსტში.

ეროვნული ანტიტერორისტული კომიტეტის ცნობით, კვირას შეიარაღებული თავდასხმები განხორციელდა ორ მართლმადიდებლურ ეკლესიაზე, სინაგოგასა და საგზაო პოლიციის პუნქტზე დერბენტსა და მახაჩკალაში. ტერაქტთან დაკავშირებით საგამოძიებო კომიტეტმა სისხლის სამართლის საქმე აღძრა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება