რუსეთსა და ჩრდილოეთ კორეას შორის გაფორმებული ახალი თავდაცვითი პაქტი ავტორიტარულ ძალებს შორის მზარდ დაახლოებას აჩვენებს და დემოკრატიის მნიშვნელობას ხაზს უსვამს, - ამის შესახებ NATO-ს გენერალურმა მდივანმა, იენს სტოლტენბერგმა განაცხადა.

სტოლტენბერგის თქმით, ჩრდილოეთ კორეამ რუსეთის ფედერაციას „უზარმაზარი რაოდენობის საბრძოლო მასალა“ მიაწოდა, ხოლო ჩინეთი და ირანი მხარს უჭერენ მოსკოვს უკრაინის წინააღმდეგ ომში.

„ჩვენ უნდა ვიცოდეთ, რომ ავტორიტარული ძალები სულ უფრო და უფრო უახლოვდებიან ერთმანეთს და მხარს უჭერენ ერთმანეთს ისე, როგორც აქამდე არ გვინახავს“, - განაცხადა გენერალურმა მდივანმა.

მისივე თქმით, „როდესაც უფრო ერთიანდებიან ავტორიტარული ძალები, რეჟიმები, როგორებიცაა ჩრდილოეთ კორეა, ირანი და რუსეთი, მაშინ კიდევ უფრო მნიშვნელოვანია, რომ ჩვენ ვიყოთ ერთიანები, რომლებსაც თავისუფლებისა და დემოკრატიის სჯერათ“.

შეგახსენებთ, გუშინ, 19 ივნისს ჩრდილოეთ კორეასა და რუსეთის ფედერაციას შორის სტრატეგიული პარტნიორობის შესახებ ხელშეკრულება გაფორმდა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება