2024-06-17 13:40:33, 535 ნახვა
მსოფლიო
ინდოეთში სატვირთო მატარებელი სამგზავრო მატარებელს შეეჯახა - არის მსხვერპლი
ინდოეთში, დასავლეთ ბენგალის შტატში სატვირთო მატარებელი გაჩერებულ სამგზავრო მატარებელს შეეჯახა, რასაც 8 ადამიანის სიცოცხლე ემსხვერპლა. ამის შესახებ ინფორმაციას BBC ავრცელებს.
მედიის ცნობით, სარკინიგზო კატასტროფის შედეგად დაშავებულთა რიცხვი 60-ს აღწევს.
ამ დროისთვის, სამაშველო ოპერაცია დასრულებულია.
ხელისუფლება აცხადებს, რომ კატასტროფის მიზეზი, შესაძლოა, "ადამიანური შეცდომა" იყოს და მომხდართან დაკავშირებით დეტალური გამოძიება ჩატარდება.
ავტორი: ექსპრესნიუსი,
epn.ge (@expressnews.ge)
