2024-06-14 22:23:18, 434 ნახვა
მსოფლიო
სომხეთის საგარეო საქმეთა სამინისტრომ ბელარუსს საპროტესტო ნოტა გაუგზავნა
სომხეთის საგარეო საქმეთა სამინისტრომ ბელარუსს საპროტესტო ნოტა გაუგზავნა. ამის შესახებ სომხეთის საგარეო საქმეთა სამინისტროს პრესსპიკერი ანი ბადალიანი სოციალურ ქსელ X-ზე წერს.
როგორც ბადალიანი წერს, ნოტა ბელარუსის საგარეო უწყების სპიკერის 13 ივნისის განცხადებას უკავშირდება, რომელსაც ერევანი მის საშინაო საქმეებში ჩარევად აფასებს.
„სურვილი, გყავდეს ისეთი მმართველები, რომლებიც საკუთარი ქვეყნის მომავალზე ფიქრობენ, შეიძლება გაჟღერდეს ისეთი ადამიანის მხრიდან, რომელსაც ასეთი ლიდერი ჰყავს. ბელარუსის შემთხვევაში ეს ნამდვილი ფუფუნებაა“, - წერს ანი ბადალიანი.
ავტორი: ექსპრესნიუსი,
epn.ge (@expressnews.ge)
