2024-06-11 15:19:32, 635 ნახვა

---

ბერძენიშვილი - შევყავარ ცხვირის ოპერაციაზე - მაინტერესებს, მოგვაპოვებინებენ თუ არა კადრებს, რომელზეც პოლიცია ფეხს ითრევს

შევყავარ ცხვირის ოპერაციაზე, კიდე რაღაც პატარა ძვალი არის გატეხილი, მაგრამ არც საოპერაციოა და არც საშიში,- ამის შესახებ სამოქალაქო აქტივისტი ზუკა ბერძენიშვილი სოციალურ ქსელში წერს.

ბერძენიშვილი, რომელსაც დილით ფიზიკურად გაუსწორდნენ, ამბობს, რომ პოლიცია კამერების ჩანაწერების ამოღებაზე "ფეხს ითრევს".

"სახლთან დამხვდნენ, უკნიდან წამაქციეს, მირტყეს და გაიქცნენ. შევყავარ ცხვირის ოპერაციაზე, კიდე რაღაც პატარა ძვალი არის გატეხილი, მაგრამ არც საოპერაციოა და არც საშიში. სხვა ყველაფერი შევამოწმეთ და არაფერი მჭირს.

ახლა ერთადერთი რამ მაინტერესებს, მოგვაპოვებინებენ თუ არა კადრებს კამერებიდან, რომელზეც პოლიცია უკვე ფეხს ითრევს. ასევე, აქედანვე ხელს დავუქნევ შალვა საწყალ პაპუასას. 

ცხადია, დღეს ამ ქვეყანაში რეჟიმის პატიმრები ყველაზე თავისუფლები არიან, რეჟიმის გალახულები კი ყველაზე ჯანმრთელები. ჩემთვის პატივია",- წერს ბერძენიშვილი "ფეისბუქის" გვერდზე.

ცნობისთვის, სამოქალაქო აქტივისტ ზუკა ბერძენიშვილზე თავდასხმის შესახებ თავდაპირველად ინფორმაცია სალომე ბარკერ ნიკოლეიშვილმა სოციალურ ქსელში გაავრცელა. როგორც ის წერდა, მას შემდეგ, რაც პარლამენტის თავმჯდომარემ, შალვა პაპუაშვილმა სოციალურ ქსელში „პოსტი“  გამოაქვეყნა, ბერძენიშვილს 3 ადამიანი დაესხა თავს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი