სახალხო დამცველი ლევან იოსელიანი პარლამენტთან მიმდინარე საპროტესტო აქციას ეხმაურება და 
მოუწოდებს შინაგან საქმეთა სამინისტროს, აქციის მშვიდობიანი მონაწილეების მიმართ სპეციალური საშუალებები არ გამოიყენოს.

როგორც ომბუდსმენის მიერ გავრცელებულ განცხადებაშია აღნიშნული, აქციის მონაწილეებს კონსტიტუციით გარანტირებული შეკრების უფლებით სარგებლობის საშუალება უნდა მიეცეთ.

"საქართველოს სახალხო დამცველი თვალს ადევნებს რუსთაველის გამზირზე მიმდინარე აქციას.

14 მაისის 17:15 საათისთვის შსს მიერ გაცემულია მთლიანად აქციის შესაძლო დაშლის გაფრთხილება.

სახალხო დამცველი მიიჩნევს, რომ აქციაზე ცოტა ხნის წინ ცალკეულ მონაწილეთა მიერ მშვიდობიანი შეკრების წესების და კანონმდებლობის მოთხოვნათა დარღვევის შედეგად, მათ მიმართ განხორციელებული ინდივიდუალური ღონისძიებების შემდეგ, აღარ დგას მთლიანდ აქციის დაშლის აუცილებლობა. 

შესაბამისად, სახალხო დამცველი მოუწოდებს შინაგან საქმეთა სამინისტროს არ გამოიყენოს აქციის მშვიდობიანი მონაწილეების მიმართ სპეციალური საშუალებები და მიეცეთ მათ კონსტიტუციით გარანტირებული შეკრების უფლებით სარგებლობა",- ნათქვამია ომბუდსმენის განცხადებაში.

ავტორი: ექსპრესნიუსი,

სოციალური ქსელები

ავტომობილები, ნავთობპროდუქტები, ძვირფასი ლითონები - რას ყიდის საქართველო და საიდან ვყიდით ნავთობს

8 თვეში საქართველომ $12.5 მილიარდის საქონელი შეიძინა

8 თვეში ავტომფლობელებმა რეკორდული - ₾178 მილიონის ჯარიმები გადაიხადეს

პაპუაშვილი – გიორგი გველესიანმა თქვა ის, რისი მომსწრეც ყველა ვართ