2024-05-08 09:38:59, 535 ნახვა
საზოგადოება
რუსეთის ომს უკრაინაში კიდევ 2 ქართველი მებრძოლი ემსხვერპლა
უკრაინაში რუსეთის ფართომასშტაბიან ომს კიდევ 2 ქართველი მებრძოლი ემსხვერპლა. ამის შესახებ ინფორმაციას ქვედნაყოფი "შავი არწივი" სოციალურ ქსელში ავრცელებს.
"შავი არწივის" ცნობით, დაღუპულები ამავე ქვედაყოფის მებრძოლები - დავით ღოღაძე და ბესო ლომიძე არიან.
"ავდეევკის მიმართულებაზე საბრძოლო მოქმედებების შედეგად დაიღუპნენ ქვედანაყოფი "შავი არწივის" მებრძოლები - დავით ღოღაძე და ბესო ლომიძე. ქვედანაყოფი "შავი არწივი" ოჯახებს უსამძიმრებს ამ დიდი დანაკარგს.
ბრძოლა გრძელდება სისხლის ბოლო წვეთამდე, ბოლო ამოსუნთქვამდე!" - ნათქვამია ქვედანაყოფის მიერ სოციალურ ქსელში გამოქვეყნებულ განცხადებაში.
ავტორი: ექსპრესნიუსი,
epn.ge (@expressnews.ge)
