|
2016-02-11 13:01:45, 776 ნახვა
ეკონომიკა
თუ კომპანიები მოგებას არ გაანაწილებენ, მოგების გადასახადს აღარ გადაიხდიან
მოგების გადასახადი განაწილებული მოგების გადასახადით იცვლება. აღნიშნულს საქართველოს საგადასახადო კოდექსში ცვლილებების პროექტი ითვალისწინებს, რომელზეც მთავრობის სხდომის დასრულების შემდეგ ფინანსთა მინისტრმა ნოდარ ხადურმა ისაუბრა. კერძოდ, თუ კომპანიები მოგებას არ გაანაწილებენ, ისინი მოგების გადასახადს არ გადაიხდიან. „პრემიერმინისტრის ინიციატივით და დავალებით, ფინანსთა სამინისტრომ დაიწყო და მოამზადა კანონპროექტი, რომელიც გულისხმობს საქართველოში საგადასახადო კოდექსის შეცვლას და კონკრეტულად ეს ეხება მოგების გადასახადის რეორგანიზაციას. ჩვენ დღეს უკვე განვიხილეთ საქართველოს მთავრობის სხდომაზე და წარვადგენთ პარლამენტში კანონპროექტს, რომელიც ითვალისწინებს მოგების გადასახადის შეცვლას განაწილებული მოგების გადასახადით. საუბარი შეეხება იმას, რომ კომპანიები თუ მოგებას არ გაანაწილებენ, ისინი მოგების გადასახადს არ გადაიხდიან”,-განაცხადა ხადურმა. უფრო კონკრეტულად, მინისტრის თქმით, თუ კომპანიამ მიიღო მოგება, მაგრამ მოახდინა მისი სრული ინვესტირება, საწარმოდან არ გაიტანა, არ გამოიყენა ის დივიდენდების გასაცემად, ან სხვა მიმართულებებით, რომელიც არ უკავშირდება მის ეკონომიკურ საქმიანობას, ამ შემთხვევაში კომპანია მოგების გადასახადს აღარ გადაიხდის. მისივე განმარტებით, დაბეგვრის რეჟიმი არ შეცვლეება ზოგიერთი კატეგორიის გადამხდელს-მეწარმე ფიზიკურ პირებს, სადაზღვევო და მიკროსაფინანსო ორგანიზაციებს, ბანკებს, ასევე ორგანიზაციებს. „ ამასთან, დაბეგვრის რეჟიმი არ შეცვლეება ზოგიერთი კატეგორიის გადამხდელს, მაგალითად მეწარმე ფიზიკურ პირებს, სადაზღვევო და მიკროსაფინანსო ორგანიზაციებს, ბანკებს, ასევე ორგანიზაციებს, რომლებსაც კანონმდებლობით ეკრძალებათ მოგების განაწილება, შესაბამისად, მას არ ანაწილებენ, მაგალითად ეს არის საჯარო-სამართლის იურიდიული პირები, და ეს არის არასამთვრობო სექტორი, ე.წ. აიპები. შენარჩუნდება მოგების გადასახადის 15%-იანი განაკვეთი, შენარჩუნდება პროცენტზე, როიალზე და დივიდენდზე არსებული განაკვეთი, საწარმოს მოგების გადასახადისათვის საანაგრიშო პერიოდი გახდება 1 თვე, აღარ იქნება 1 წლიანი, შესაბამისად კომპანია, მხოლოდ იმ შემთხვევაში გადაიხდის ამ გადასახადს, თუ იმ 1 თვის განმავლობაში მოგებას გაანაწილებს. ამავე დროს მოგების გადასახადით დაიბეგრება დივიდენდის, ან სხვა ფორმით განაწილებული მოგება, საქონლის, მომსახურების უსასყიდლოდ მიწოდება, განსაზღვრულ ზღვრულ ოდენობაზე მეტი ოდენობით გაწეული წარმომადგენლობითი ხარჯები, და ის გადახდები, რომლებიც დაკავშრებული არ არის ეკონომიკურ საქმიანობასთან. სახსრები, რომლებიც მიმართული იქნება ეკონომიკის განვითრებისათვის, წარმოების გაფართოებისათვის, დასაქმების გაზრდისათვის, ეს თანხები აღარ დაიბეგრება. და ჩვენ ვფიქრობთ, რომ აღნიშნული ცვლილება ძალაში შევა, მიმდინარე წლის 1 ივლისსს. შესაბამისად, პირველ ივლისამდე 6 თვის განმავლობაში ძველი წესით მომუშავე საწარმოებისათვის დეკლარირების პერიოდად განისაზღვრება სავარაუდოდ 1 ნოემბრამდე პერიოდი. ხოლო დანარჩენ პერიოდზე ჩვეულებრივ ყოველთვიურად მოხდება საშემოსავლო გადასახადის დეკლარაციასთან ერთად უმარტივესი დეკლარირების ფორმა იქნება, ამით გამარტივდება დეკლარირებაც და საგადასახადო შემოწმებები”,-განაცხადა ნოდარ ხადურმა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



